КіруОРАЛДА БІР УАҚЫТТА 30 АЛАҢДА ФУТБОЛ ОЙЫНДАРЫ ӨТЕДІ
Қазақстан Республикасы Тәуелсіздігінің 30 жылдығына және «Қазақстан футболы күніне» орай 25 сәуір күні Орал қаласында футбол ойындары өтеді. Шараға жасөспірімдер, жастар және ардагерлер қатысады.
Атаулы даталарға орайластырылған футбол ойындарын Орал қаласының дене шынықтыру және спорт бөлімі мен БҚО футзал ассоциациясы ұйымдастыруда.
Қалалық дене шынықтыру және спорт бөлімінің басшысы А.Шерғалиевтің мәліметінше, 30 алаңда өтетін футбол матчтарына жалпы 1500 ойыншы қатысады деп күтілуде. Ойындар сағат 10.00-де Шаған өзенінің оң жағалауы (қалалық мәдениет және демалыс саябағы), Олимпиада резервінің облыстық мамандандырылған мектеп-интернат-колледжі (Деркөл, Даль көш.7/4), №21 ЖОББМ футбол алаңдарында және қаланың әр ауданда орналасқан 27 спорт алаңында бастау алады.
Сондай-ақ ертең, әуесқой командалар арасында өткен футзал лигасының 2020-2021 жылғы маусымының жеңімпаздары мен жүлдегерлері марапатталады. Бұл шара «Атамекен» балалар-жасөспірімдер туризмі және экология орталығында өтпек.
Ұйымдастырушылардың сөзінше, футбол лигасына 32 команда қатысқан. Салтанатты шарада үздік болып алға шыққан 8 команда, және әр түрлі аталымдар бойынша үздік ойыншылар марапатталады. Сондай-ақ Орал қаласында спортты, футболды дамыту жолында еңбек етіп жүрген спорт жанашырлары марапатталады деп күтілуде.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу