Кіру«ГРАЦИЯ-KZ» АЛТЫН МЕДАЛЬ ЕНШІЛЕДІ
Батысқазақстандық «Грация-KZ» волейбол командасы Қазақстан Республикасының ХХІХ чемпионатында алтын медаль алды. Сүйінші хабарды БҚО дене шынықтыру және спорт басқармасы хабарлады.
Жоғары лигадағы әйелдер құрамасы арасындағы волейболдан Қазақстан Республикасының ХХІХ чемпионатының V туры 14-20 сәуір аралығында Тараз қаласында өтіп, бүгін тәмамдалды.
Барлық 5 турда батысқазақстандық волейболшылар қатысушы командалар арасында жетекші орынға ие бола отырып, жоғары кәсіби шеберліктерін көрсетті.
«Ұлттық чемпионаттағы жарқын жеңіс, чемпиондар атағы – бұл команданың алғашқы жеңісті жетістігі.
Республикалық деңгейдегі жарыстарға команданы дайындағаны үшін жаттықтырушылары Нұрсұлу Губашеваға, Әсел Губашеваға, Айнұр Губашеваға, Айна Губашеваға үлкен алғысымызды білдіреміз» – деді БҚО дене шынықтыру және спорт басқармасының маманы Ринат Дүйсенов.
Айта кетейік, Батыс Қазақстан спортының тарихында бірінші рет «Грация-KZ» волейбол командасы Қазақстан Республикасы чемпионатының жеңімпазы атанып отыр.
zhaikuni.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу