Кіру«ҚҰРМЕТ КҮНІ» АКЦИЯСЫ
Қарттар күнінің құрметіне БҚО ТЖД Жедел-құтқару жасағының құтқарушылары БҚО Төтенше жағдайлар департаментімен бірлесе отырып «Құрмет күні» акциясын өткізді.
Қазан айының 1-і мен 3-і аралығында Жедел-құтқару жасағының құтқарушылары өмірлерінің көп бөлігін сүйікті жұмысына арнаған ардагерлермен кездесті. Кездесу кезінде жас қызметкерлер өз жұмысының нағыз шеберлеріне айналған, жылдар бойы адамдардың өмірін құтқаруға ат салысқан ардагерлерді мейрамдарымен құттықтай отырып, ұзақ әңгімелесті және материалдық көмек көрсетті. Сонымен қатар ардагерлер жас құтқарушыларға жаңа құрылғылар мен жабдықтарсыз шақыртуларға қалай барғандары, адам өмірін құтқаруда қандай әрекеттер жасағаны мен қорқынышты қалай жеңе алғандарын айтып өтті.
– Жұмыстарыңыздың қиыншылықтарына, уақыттың тапшылығына қарамастан бізге келіп, көмек көрсетіп жүргендеріңізге үлкен алғысымызды айтамыз. Елімізде төтенше жағдайлардың аз болуына тілектеспіз. Шынын айтсам жұмысымды сағынамын, – деді ардагер Костецкий Иван Андреевич.
Жасақтың бас құтқарушысы Болатбек Есқалиев мұндай акциялар әлі де жалғасатынын айтты.
– Мұндай кездесулерде біз көптеген қызықты оқиғаларды естиміз және пайдалы кеңестер аламыз. Аталған акция жалғасын табады деп ойлаймын және осы бағытта жұмыс жасай беретін боламыз, – дейді Болатбек.
А.Қожанбаева, БҚО ТЖД Жедел-құтқару жасағының бас құтқарушысы
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу