Кіру83 ҚАРУДЫ ЖОЙДЫ
3 қазан күні Батыс Қазақстан облысы Ішкі істер департаментінің қызметкерлері комиссия мүшелерінің қатысуымен ерікті түрде тапсырылған және тәркіленген қаруларды жою жұмысын жүргізді.
Мұндай шара Ішкі істер департаментінде әр тоқсан сайын оздырылуда.
Аталған іс-шара Департамент бастығының орынбасары полиция полковнигі Т.Ө.Ахаев төрағалық етуімен және тыл, криминалистика, өзіндік қауіпсіздік, тергеу, анықтау салаларының және зауыт қызметкерлері қатарынан комиссия құрылып, іске асырылды.
Қызып тұрған отқа 59 дана тегіс ұңғылы аңшылық қару, 21 дана газды тапанша, 3 дана травматикалық қару жөнелтілді. Жалпы 83 бірлік қару бөліктері өртке оранды.
Қаруды жою жұмысы Орал қаласындағы «КАЗАРМАПРОМ» ЖШС зауытында жүргізіліп, зауыттың шойын балқыту пешінде отқа оранған металдар санаулы сәтте еріп үлгерді.
БҚО ІІД баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу