КіруШаһарда шырша көшеттері отырғызылды
Орал қаласында санитарлық-экологиялық айлық аясында көгалдандыру жұмыстары жүргізілді. Тәжік-ауған шекарасында ерлікпен қаза тапқан жауынгерлерге арналған ескерткіш жанындағы тынымбақта ағаш екпелері отырғызылды. Іс-шараға облыс әкімі Нариман Төреғалиев, ардагерлер мен жастар қатысты.
Шара барысында тынымбақ аумағына 15 шырша егіліп, жасыл желекті әрі қарай күтіп-баптау жұмыстары қалалық коммуналдық мекемелерге жүктелді.
Аймақ басшысы өз сөзінде табиғатты қорғау мен экологиялық мәдениетті қалыптастырудың қоғам үшін маңыздылығына тоқталды. Сондай-ақ Президенттің «Таза Қазақстан» бастамасының негізгі қағидаттары еліміздің жаңа Конституциясында көрініс тапқанын атап өтті.
– Табиғатты қорғау – құр сөз емес, ол баршамыздың ортақ конституциялық борышымыз. Халықтың өмір сапасын жақсарту мен айналаны көркейту бағытындағы жұмыстар алдағы уақытта да жүйелі түрде жалғасады, -деді Нариман Төреғалиев.
Мемлекет басшысының орман қоры аумағында 2 миллиард ағаш отырғызу жөніндегі тапсырмасы өңірде кезең-кезеңімен жүзеге асырылып келеді. 2027 жылға дейінгі өңірлік жоспарға сәйкес, өткен жылы 2222 гектар аумаққа 8,3 млн дана ағаш екпесі отырғызылды. Ал биыл бұл көрсеткішті арттыру жоспарланып, 8,8 млн дана ағаш-бұта тұқымдастарының екпелерін егу көзделіп отыр.
Сонымен қатар елді мекендерді көгалдандыру жұмыстары да жалғасуда. 2025 жылы өңір бойынша 242,2 мың дана ағаш отырғызылса, биыл Орал қаласы мен облыс аудандарында 47,2 мың түп ағаш егу жоспарланған. Бұл жұмыстар өңірдің экологиялық ахуалын жақсартып, тұрғындар үшін жайлы әрі қауіпсіз орта қалыптастыруға бағытталған.
Соңғы жаңалықтар
Жазғы Азия ойындарына 500-ге жуық спортшы қатысады – Ербол Мырзабосынов жұмыс кеңесін өткізді
Жоғары оқу орындары мен ғылым жүйесінде жаңа Конституцияның құндылықтары мен нормаларын іске асыру
Казахстан вступает в один из наиболее важных этапов политической трансформации — статья Токаева в «The National Interest»
Әділет министрлігі: Жаңа Конституция тұрғын үй иелері құқықтарының басымдығын сақтайды
28 наурызда Қазақстан тағы да жаһандық экологиялық бастаманың бір бөлігі болады – «Жер сағаты» акциясы өтеді
Глава государства вручил звание «Қазақстанның Еңбек Ері» Ерванду Ильинскому 27 марта 2026 года
Будущее рынка ГСМ: эксперты обсудили вызовы либерализации ценообразования
Жанармай нарығының болашағы: сарапшылар баға қалыптастырудың сын-қатерлерін талқылады
Запрет на смартфоны в школах Нидерландов: стали ли дети лучше учиться?
Дешёвый бензин в Казахстане: преимущество или ущерб экономической эффективности
