Сұлужан ТАУБАЛДЫ: «Оралым, амансың ба, көрікті ордам?»
5 наурыз күні Орал қаласында өткен «Азаттықтың ақ таңы» атты республикалық ақындар айтысында көрермендер ең жас ақын Сұлужанның айтысу өнеріне көпшілік тамсанып, айрықша қошемет білдірді. Небәрі 25 жастағы бойжеткен Қытай елінен ата-жұртқа оралған қандасымыз екен. Бүгінде Қазақ ұлттық универсеттінде дәстүрлі ән кафедрасының 4-курсында оқиды. Болашақ дәстүрлі жыршы бұған дейін де республикалық мүшәйралардың жүлдегері атанып үлгерген. Ырысжан, Саралардың жырдан өрген жалғасы Сұлужан Таубалдықызы бұл айтыста Маңғыстаудың ақыны Арғынбек Қалбаймен жұптасып, қыз бен жігіт айтысының дәстүрін жалғады.

«Жауларын жасқанбай-ақ жеңіп болған
Батасын ұрпақтарға беріп болған,
Оралым, амансың ба, көрікті ордам?
Бұл елдің ақсақалды аталары
Тұлпар мен ақ найзаға серік болған.
Бұл елдің ақ жаулықты аналары
Қасқырдың жүрегіне жерік болған.
Исатай, Махамбеттей ерлер туып,
Ежелден босағасы берік болған.
Дәулеткерей, Құрманғазы аталарым,
Күмбірлі күйін төккен көрікті ойдан…» – деп Жайық жеріне арнауын жеткізген Сұлужан:
«Ел өзі танып алар дараларды
Пейілі ағы мен қараларды
Бір үйден бес бірдей қыз жанып кетіп,
Толғантты елім деген ағаларды.
Көп балалы аналар көтеріліп,
Ханға да, қараға да қарамады.
Заң жүзінде барлығын реттеді
Елбасымдай елімнің қара нары!
Қазағымның қайғысын жеңеміз деп
Министрлер шетінен жаңаланды.
Бес жыл бойы түк бітірмей жүрген жандар
Бес қыздың қазасынан сабақ алды.
Үкіметке жаңа келген біліктілер
Дамытсын ауыл менен қалаларды
Көп балалы аналарға үй берсе екен,
Бақытты етпесе де бар адамды.
Халықтың сенімінен шығам десе
Ешқашан жылатпасын аналарды», – деп назын білдірді.
Версия для печати
Соңғы жаңалықтар
Ақ жаулықты әжелер мен абзал ағалар – азаматтық белсенділік үлгісі
Оралда «Мерейлі отбасы» байқауының жеңімпаздары өз таңдауларын жасады
Оралда Наурыз мерекесіне орай «Ақжайық» әжелер ансамблі өнер көрсетті
Продовольственные ярмарки проходят возле участков для голосования в ЗКО
В Уральске свой гражданский долг исполнил ветеран Великой Отечественной войны Вениамин Скаленко
Қаратөбе ауданындағы референдум учаскелерінде дауыс берушілер арасында садақ атудан сайыс өткізілді
Батыс Қазақстан облысында республикалық референдум күні сайлау учаскелерінде мерекелік көңіл-күй қалыптасуда.
БҚО әкімі Нариман Төреғалиев ҚР Жаңа Конституциясын қабылдау жөніндегі республикалық референдумда дауыс берді
Представители этнокультурных объединений Западно-Казахстанской области призвали голосовать на референдуме
Оралдағы №230 референдум учаскесінде балаларға арналған аквагрим ұйымдастырылды
Отандық фармацевтикалық өндіріс өз позициясын нығайтуда: Қазақстандық дәрі-дәрмектердің үлесі 40%-ға жетті
68% иностранных инвестиций Центральной Азии сосредоточены в Казахстане

Кіру
Пікір үстеу