КіруОРАЛ ЖАСТАРЫ НАУРЫЗ МЕЙРАМЫН ҰЛЫҚТАДЫ
Жастар жылы аясында Орал жастары ұлттық салт-дәстүрді дәріптеуге, ұлық мейрамды кеңінен атап өтуге атсалысты.
Ұлыстың ұлы күніне орай қалалық ақпараттық талдау және жастармен жұмыс жөніндегі ресурстық орталық ұйымдастырған «Қош келдің, әз Наурыз» атты ұлттық ойындармен айшықталған концерттік бағдарлама оқу орындары студенттері мен оқушылардың, белсенді жастардың басын қосты. Орталықтың ақпараттық талдау және мониторинг бөлімінің басшысы Зарина Ихсанованың айтуынша, басты мақсат – жастар арасында ұлттық мерекені дәріптеу. Бағдарлама әдеттегіден тыс жаңа шоу-концерттік форматта ұйымдастырылды. Домбыра шертіліп, Наурыз мейрамына арналған ән шырқалды. Қатысушылар топтанып, «Қаражорға» биін биледі.
Мерекелік шара ұлттық ойындармен ерекшеленді. «Аударыспақ», «Арқан тартысу», «Асық ату», «Қой көтеру» сынды сайыстар ұйымдастырылды. Салмағы 60 келіге тартатын қойды көтеруге 10 жігіт шығып, бақтарын сынады. Көпшілікті қызықтырған да осы сайыс. Күшіне сенген онның ішінен Батыс Қазақстан инженерлік технологиялық колледжінің студенті Баққожа Сүлейменұлы жеңімпаз атанып, көтерген қой малын сыйға алды.
Эльмира НҰҒМАНОВА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу