КіруФИЛЬМДЕР ФЕСТИВАЛІНЕ 100-ДЕН АСТАМ КАРТИНА ТҮСТІ
Оралда «Қала күніне» орай ұйымдастырылып жатқан «Jaiyq film fest» фильмдер фестиваліне 8 елден жалпы 100-ден астам жұмыс түскен. Фильмдер қысқа метражды және деректі фильмдер бағыттары бойынша қаралады.
Байқауға Қазақстан, Қырғызстан, Армения, Ресей, Өзбекстан, Әзірбайжан, Грузия, Тәжікстан, Франция, Белорусь елдерінің үміткерлері жұмыстарын ұсынған. Ұйымдастырушы Алпамыс Шәрімовтың айтуынша, түскен өтінімдердің ішінде іріктелген 30 жұмыс көрсетілмек. Байқауға түскен кинолар әр түрлі: алғаш рет ұсынылғандар және биылғы «Канн» фестиваліне қатысқан туындылар, Қазақ ұлттық өнер уиверситеті, Тұран университеті, Жүргенов университеті студенттерінің жұмыстары бар. Сонымен қатар оралдық Аманат Рзағалиевтің «Нағашымның әңгімесі», Жасқайрат Валиуллиев пен Бұлбұл Сапарғалиеваның «Қоңырау» картиналары жүлдеден үмітті.
Фильмдер фестивалі аясында режиссер Ерлан Нұрмұхамбетовтың «Конокрады» фильмінің тұсаукесері өтеді. Бұл фильмнің таныстырылымы 2018 жылы Канн фестивалінде өткен болатын. 2019 жылы Пусанда халықаралық кинфестиваль осы фильммен ашылып, қазіргі уақытта Францияда прокатқа шыға бастады. Ал Қазақстанда тұңғыш рет Оралда көрсетілмек.
Сондай-ақ осы фильмдер фестивалі аясында бүгін республикалық «Jas tolqyn» журналының тұсауы кесілді. Кино және телевидениеге арналған жаңа журналды құрылтайшысы Талғат Тайшанов таныстырды.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу