КіруҚалалық бюджет нақтыланды
Бүгін, қыркүйектің 12 – сі күні, Орал қалалық әкімдігінің үлкен залында сегізінші шақырылым бойынша Орал қалалық мәслихатының кезектен тыс 22- ші сессиясы өтіп, оған Орал қаласының әкімі М.Байменов, кенттің әкімдері, мәслихат депутатары және басқарма басшылары қатысты. Жиынды жүргізген қалалық мәслихат төрағасы Е.Қалиев күн тәртібіндегі мәселелермен таныстырса, Орал қаласы бойынша Мемлекеттік кірістер басқармасының басшысы М.Қадырбеков тіркелген субъектінің статистикалық деректері мен заңды тұлға және кәсіпкерлерден жергілікті бюджетке түскен түсімдері, қалалық бюджеттің қалыпты деңгейде орындалуы туралы айтты. Басқа мемлекеттік органдардың жүйесімен деректерді бірыңғай түрде алу, электронды сервис, онлайн касса бағытындағы салық әкімшілігінің сандық жүйесін жетілдіру қажет,- деді М.Қадырбеков. Одан кейін қалалық экономика және бюджетті жоспарлау бөлімінің басшысы А.Қадыров нақтылауы жоспарланған Орал қаласының бюджеті кірістер мен шығыстар бойынша теңдестіріліп, 10,9 млрд теңге сомасына ұлғайту жоспарлануда дей келе, мәслихат депутаттарынан қаралған бюджетті бекітуді сұрады.Бұл ұсынысты депутаттар бірауыздан қолдап, бюджеттің нақтылануына шешім қабылданды. Сессияда басқа да мәселелер талқыланып, Орал қаласының әкімі М.Байменов екінші топтағы мүгедек жандарға да қоғамдық көлікте тегін жүру қарастырылып, Семейде әскерде болғандарға 50 пайыз жеңілдік қарастырылсын деген ұсынысты қолдап, қаралған мәселенің біртіндеп уақытында шешілуі бақылауға алынсын деп сессияны түйіндеді.
«Жайық үні»
Соңғы жаңалықтар
Медициналық ынтымақтастық: Батыс Қазақстан мен Корея клиникасы меморандумға қол қойды
Батыс Қазақстан облысында қуаттылығы жылына 130 мың тонна метанол өндіретін газхимия кешенінің құрылысы басталды
БҚО Қытаймен әріптестікті күшейтті: жалпы құны 134 млрд теңге болатын 14 меморандумға қол қойды
БҚО-да ипотекамен тұрғын үй алуға көмектесемін деп уәде берген күдікті әйел ұсталды
