КіруҚала көркі – ортақ жауапкершілік: Оралда абаттандыру талаптарына бақылау күшейтілді
Орал қаласында абаттандыру ережелерінің сақталуына бағытталған бақылау жұмыстары күшейтілді. Қала аумағындағы құрылыс және кәсіпкерлік нысандарының санитарлық тазалығы мен сыртқы келбетіне қатысты талаптардың орындалуын тексеру мақсатында арнайы рейд жүргізілді.
Рейд жұмыстарына Орал қаласы әкімінің орынбасары Жандос Дүйсенғалиев қатысып, бірқатар құрылыс алаңдары мен кәсіпкерлік нысандарын аралады. Тексеру барысында аумақтарды күтіп ұстау, құрылыс қалдықтарын шығару, қоршаулардың болуы, жарнамалық баннерлер мен нысан атауларының талапқа сай рәсімделуі назарға алынды.
Тексеріс кезінде бірқатар нысандарда абаттандыру қағидаларының сақталмай отырғаны анықталды. Атап айтқанда, кейбір құрылыс алаңдарында қоршаулар толық орнатылмаған, құрылыс және тұрмыстық қалдықтар арнайы белгіленген орындарға шығарылмаған. Сонымен қатар нысандардың айналасындағы санитарлық тазалық талапқа сай емес.
Бұдан бөлек, кейбір кәсіпкерлік нысандарында сыртқы жарнамалар мен ақпараттық баннерлердің белгіленген талаптарға сәйкес рәсімделмегені анықталды. Қала келбетін қалыптастыруда мұндай ұсақ көрінетін мәселелердің де маңызы зор. Себебі әрбір нысанның сыртқы бейнесі шаһардың жалпы сәулеттік келбеті мен тазалығына тікелей әсер етеді.
Қала әкімінің орынбасары Жандос Дүйсенғалиев нысан иелері мен жауапты тұлғаларға анықталған кемшіліктерді белгіленген мерзімде жою қажеттігін ескертті. Сонымен қатар «Батыс Қазақстан облысының қалалары мен елді мекендерінің аумақтарын абаттандыру қағидаларын» қатаң сақтау міндетті екенін атап өтті.
Егер берілген мерзім ішінде кемшіліктер жойылмаған жағдайда, Қазақстан Республикасының Әкімшілік құқық бұзушылық туралы кодексіне сәйкес тиісті шаралар қабылданып, жауапты тұлғаларға айыппұл салынады.
Қала тазалығы мен абаттандыру талаптарын сақтау – тек жергілікті атқарушы органдардың ғана емес, барша тұрғындар мен кәсіп иелерінің ортақ міндеті. Таза әрі көрікті қала қалыптастыру әрбір азаматтың жауапкершілігі мен жанашырлығынан басталады.
Осыған байланысты Орал қаласының тұрғындарын, кәсіпкерлерін және құрылыс нысандарының иелерін белгіленген талаптарды сақтауға, өз аумақтарын таза ұстауға және қаланың көркеюіне үлес қосуға шақырамыз!
Жайық үні
Соңғы жаңалықтар
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
