Кіру800 оқушы жаңа мектепке көшеді «Сарытау» шағынауданынан салынып жатқан білім ұясы қыркүйек айында қолданысқа берілмек.
14 тамыз күні облыс әкімі Алтай Көлгінов «Сарытау» ауданында салынып жатқан мектептің құрылыс жұмыстарымен танысты.
«Сарытау» шағынауданындағы 900 орындық мектептің құрылыс жұмыстары 95 пайызға аяқталған. Нысан құрылысы 2016 жылы басталған болатын. Ұлттық қордан және жергілікті бюджеттен қаржыландырылып отырған құрылыстың жалпы сомасы – 1 888, 1 млн. теңге. Биылғы жылдың маусымынан бастап құрылысты «Жиенбай» ЖШС жалғастыруда. Құрылысты аяқтау үшін жергілікті бюджеттен 186 млн. теңге қаралған.
– Бұған дейін құрылысты жүргізген мердігерден жұмысты 20 маусымда қабылдап алдық. Бізге дейін 60 пайыздай жұмыс атқарылған екен. Бізге үш ай уақыт берілді. Осы мерзім ішінде, яғни 20-25 қыркүйекке дейін тапсыруға тырысамыз. Қазір сылақ сылау, электр желілерін тарту жұмыстары жүргізілуде, – деді «Жиенбай» ЖШС-ның бас инженері Боранбай Мерғалиев.
«Жиенбай» ЖШС басшысы Александр Қарағойшин құрылысты жүргізуде, жиһаздарды жеткізуде қаражаттан қиыншылық жоқ екенін және нысанды белгіленген мерзімде тапсыратындарын жеткізді.
Тоғыз блокты мектеп кешенінде 12 оқу сыныбы, 9 әмбебап бөлме, бірнеше мультимедиялық кабинет, екі спорт зал, 294 орындық мәжіліс залы, еңбек сабақтарына арналған шеберханалар болады. Информатика, география, биология кабинеттері лабораторияларымен жабдықталмақ. Қазірдің өзінде сыныптарға жиһаздар әкелінуде. Жоғарғы қабатта желдету құрылғылары, сынып бөлмелеріне қол жуғыштар қойылуда.
Бұл мектеп тапсырылған соң, мұнда 800 бала көшіп келмек. Шағын орталыққа 50 бала қабылданады деп күтілуде. Бірақ, шағынауданда мектеп жасына дейінгі балалар бұдан да көп болса, қосымша төрт топқа орын ашылады. Яғни жаңа мектептің шағын орталығында 150 бүлдіршінді қамтуға мүмкіндік бар. Мектепалды даярлық тобына 100 және 1 мен 11 сынып аралығындағы 600 оқушы көшірілмек. Осылайша, бұл аудандағы үш ауысымда оқу мәселесі шешілмек. Алтай Сейдірұлы жаңа мектепке педагог кадрларды қабылдау жұмысының ақсап қалмауына ерекше мән берді. Бұл ретте қалалық білім беру бөлімі басшысының орынбасары Батика Пайдина 70-тей мұғалім көршілес мектептен оқушыларымен бірге көшірілетінін және жаңадан 78 бос орын ашылатынын мәлімдеді.
Эльмира НҰҒМАНОВА
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу