ТҮНГІ ҚАЛАДАҒЫ БАЛАЛАР

Орал қаласында «Назар аудар, демалыс» атты ведомствоаралық алдын алу акциясының аясында кәмелетке толмағандардың тарапынан құқық бұзушылықтардың алдын алу және ескерту мақсатында «Түнгі қаладағы балалар» атты жедел-профилактикалық іс-шаралары өтуде.

Орал қаласы әкімдігінің жанындағы кәмелетке толмағандар және олардың құқықтарын қорғау комиссиясы мүшелері мен жергілікті полиция қызметкерлері ұйымдастырған тексеріс барысында учаскелік полиция пункттеріне жалпы 111 жасөспірім жеткізілді. Оның 99-ы түрлі құқық бұзушылықтар жасағандары үшін, 11-і қоғамдық орындарда қараусыз қалған, қайыр сұрап жүрген жасөспірімдер. Алты жасөспірім кәмелетке толмағандарды уытсыздыру және оқшаулау орталығына орналастырылды, 1 жасөспірім қылмыс жасағаны үшін жеткізілді.

ҚР ӘҚБК-нің 127-бабы бойынша өз балаларына қатысты нақты тәрбие бермей, ата-аналық міндеттерін орындамай жүргендері үшін 4 заңды тұлға жауапкершілікке тартылды. ҚР ӘҚБК-нің 133-бабымен жасы кәмелетке толмаған балаларға темекі сатқаны үшін 1 азаматтың үстінен әкімшілік хаттама толтырылып, процессуалдық шешім қабылдау мақсатында жинақталған іс-құжат сотқа жолданды. Жасы 21-ге жетпеген азаматтарға спирттік өнімдерін сатқан 3 тұлғаның үстінен ҚР ӘҚБК-нің 200-бабы бойынша әкімшілік хаттамалар толтырылды. Жасөспірімдермен жасалған 1 ұсақ бұзақылық дерегі орын алды.

Сонымен қатар түнгі рейд кезінде Зашаған кенті мен Сарытау шағын аудандарына тексеру жүргізген кезде сағат 23.00-ден кейін қоғамдық орындарда жүргені үшін 88 жасөспірім ұсталып, олардың ата-аналары жауапкершілікке тартылды. Шара кезінде профилактикалық есепке 4 жасөспірім, тізімдік есепке – 6 жасөспірім, 5 өнегесі төмен отбасы алынды.

Версия для печати