КіруБАТЫС ҚАЗАҚСТАНДЫҚ ТУРИСТЕР ВЕЛОСИПЕДПЕН БАС ҚАЛАҒА ЖОЛҒА ШЫҚТЫ
ІІ қиындықтағы категориялы веложорық Астана қаласының 20 жылдығы аясында Батыс Қазақстан облыстық балалар мен жасөспірімдер туризмі және экология орталығының бастамасымен ұйымдастырылуда. Жорық бүгін Орал қаласынан бастау алды. Облыстық білім басқармасы басшысының орынбасары Сандуғаш Айтқалиева мен облыстық балалар мен жасөспірімдер туризмі және экология орталығының директоры Виктор Фомин және батысқазақстандықтар мән-маңызы ерек жолға аттанған туристерге ақ жол тілеп, шығарып салды.
Жорықшылар алты адам – облыстық және Ақжайық аудандық балалар мен жасөспірімдер туризмі және экология орталығының, Бөрлі, Сырым аудандары жас туристер станциясының қосымша білім беру педагогтары. Астанаға сапар «Евразия» туристік сауықтыру кешенінен бастау алды.
– Бүгін «Евразия» балалар елінен» алты озатымызды шығарып салудамыз. Ұзақ жолды велосипедпен жүріп өтуге әлі ешкімнің батылы жеткен жоқ. Сондықтан осы шешімді қабылдаған жерлес-әріптестерімізді мақтан етеміз. Тарихи сәтке куә болып тұрған өрендерімізді де болашақта осы қатардан көргіміз келеді. Дәстүріміз бойынша жорықшыларға ақ жол тілеймін, – деді Виктор Павлович.
Велосипедшілер Орал – Ақтөбе – Тобыл – Қостанай – Есіл қалалары арқылы өтіп, тамыздың 3-ші жұлдызында Астанаға жетеді деп күтілуде. Мақсат –велосипед туризмін дамыту, өлкетану ісіне баулу. Жорық аясында олар әр қалаға тоқтап, туризм орталықтарында болады. Әрі сол жерлердің тарихи жерлерін тамашалау, тарихи-мәдени ескерткіштермен танысу жайы да тыс қалмайды.
Ұйымдастырушылардың сөзінше, мұндай алыс қашықтықтағы жорық алғаш рет қолға алынып отыр. Жорықшылар әр күні 100 шақырымдай жүріп, 20 күнде 2000 шақырымды еңсермек. Тамақ-су, киім сынды жүктері өздерімен бірге. Ұзақ сапар алдында бір ай көлемінде дайындық жүргізілген. Алдағы жүретін жолдар да зерттелген.
– Шеберлікті шыңдау масатындағы дайындықтар жасалды. Күніге Тасқала, Теректі аудандары бағытында 30-40 шақырымдай велосипедпен жүріп, дайындалдық. Негізінен ұзақ жолға қарапайым велоспедтер жақсы. Бірақ, Ақтөбеге қарай таулы жол көп. Ал үлкен жүкпен қарапайым велосипед арқылы жоғары шығу қиындау. Сондықтан екі жаңа велосипед алынды, – дейді жорық мүшесі, облыстық орталықтағы туризм бөлімінің әдіскері Медет Нәсіпқалиев.
Атап өтейік, қазіргі уақытта облыс аумағында оқушылар арасында І категориялы велосипед жорығы өтуде. Қазталов ауданынан бастаған жорықшылар 385 шақырымды жүріп өтіп, Тасқалаға жеткен. Бұйырса, 17 шілдеде Оралға келмек.
Эльмира НҰҒМАНОВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу