Қазақстандық әншілер Димаш Құдайберген мен Данэлия Төлешова америкалық The World’s Вest шоуының екінші раундында өнер көрсетті.

Данэлия Төлешова Stone Cold әнін орындады. Байқаудың бұл раундында ол жапондық скрипкашы қыз Манами Итомен сайысқа түсті. Қазылар алқасы берген бағаға сәйкес бұл кезеңде қазақстандық жеңіске жетті – 71-60.

Димаш Құдайберген де байқаудың үшінші раундына сенімді түрде өтті. Ол америкалық әнші әрі музыкант Эрик Карменнің All by Myself әнін айтты. Димаш 94 балл көрсеткішімен жеңіске жетті, ал оның қарсыласы 39 балды иеленді.

Айта кетейік, байқаудың бұл раундында Димаш Құдайбергенге италиялық әнші, Voice of Italy конкурсының жеңімпазы Кристина Скуччиа қарсылас болды.

Дереккөз: BAQ.KZ.