КіруБатыс өңірінің әдеби мұрасы зерделенді
Туған өлкенің сөз өнерін түгендеп, қаламгерлер шығармашылығын зерттеу – ұлттық әдебиеттің тарихын тереңірек тануға жол ашады. Осы бағыттағы ғылыми ізденістердің нәтижесі қазанның 30-ы күні Махамбет Өтемісұлы атындағы Батыс Қазақстан университетінде көпшілік назарына ұсынылды.
Университетте филология ғылымдарының кандидаты, профессор Зейнолла Мүтиевтің «Жайық-Каспий өңірінің әдеби мұрасы: зерттеу, зерделеу, жаңғырту» атты әдеби өлкетану бағытындағы монографиялары мен хрестоматияларының ғылыми-танымдық таныстырылымы өтті. Шара барысында төрт кітаптың тұсауы кесіліп, өңір әдебиетін зерттеудің маңызы талқыланды.
Жиынды ашқан университеттің Басқарма төрағасы – ректордың міндетін атқарушы Гүлжаһан Қайсағалиева соңғы он жылда оқу орны ғалымдарының батыс өңірінің әдеби мұрасын зерттеуге айрықша үлес қосқанын атап өтті. – Университетіміздің ғалымдары соңғы он жылда еліміздің, соның ішінде батыс аймағын құрайтын төрт облыс ақын-жазушыларының шығармашылығын зерттеп, бірнеше монографиялар мен оқу бағдарламаларын жазып, әдеби хрестоматиялар құрастырды. 2018–2025 жылдар аралығында Зейнолла Жақсылықұлы Ғылым комитетінің дәстүрлі гранттық жобаларын ұтып, шәкірттерімен бірге зерттеу жұмыстарын жемісті жүргізді, – деді ол.
Төрт ғылыми еңбектің жарық көруіне Зейнолла Мүтиевпен қатар А. Ақболатов, М. Әжіғалиев, Қ. Ғалимова, М. Ешниязова, Г. Бейсенова және Ж. Мұханбетова бірлескен автор ретінде үлес қосты.
Таныстырылымда еңбектерде шығармашылығы қамтылған ақын-жазушылар, әдебиеттанушы, тарихшы ғалымдар, ұстаздар мен журналистер сөз алып, жаңа басылымдардың мазмұны мен ғылыми құндылығына тоқталды. Олар өңір қаламгерлерінің мұрасын жинақтап, жүйелеудің, оны кейінгі ұрпаққа жеткізудің маңызын атап өтті.
Жайық-Каспий өңірінің әдеби шежіресін түгендеуге арналған бұл еңбектер зерттеушілер мен ұстаздар үшін ғана емес, туған өлке тарихы мен әдебиетіне қызығатын оқырмандар үшін де құнды рухани қазына болмақ.
Д.ТАЛҒАТҚЫЗЫ
Толығырақ газетіміздің №45 санынан оқи аласыздар
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
