КіруТасқалада жаңа мектеп бой көтеруде
Батыс Қазақстан облысының әкімі Нариман Төреғалиев жұмыс сапарымен Тасқала ауданына барып, Айнабұлақ ауылында салынып жатқан жаңа білім беру нысанының құрылыс барысымен танысты.
Аталған жоба «КПО б.в.» компаниясының әлеуметтік міндеттемелері аясында жүзеге асырылуда. 60 орынға арналған шағын жинақты мектептің құрылысы өткен жылы басталған. Қазіргі таңда нысанның дайындығы 85 пайызға жетіп, құрылыс жұмыстары соңғы кезеңге аяқ басты. Мердігер мекеме ішкі әрлеу жұмыстарын жүргізіп, аумақты абаттандыруға кіріскен.
Жоба құны 1,5 миллиард теңгені құрайды. Құрылыс алаңында қажетті материалдар толық жеткізілген, жұмыс процесіне жергілікті тұрғындар да тартылған.
Жоспарға сәйкес жаңа мектеп ғимараты тамыз айында пайдалануға берілуі тиіс. Өңір басшысы мердігер компанияға құрылысты белгіленген мерзімде әрі сапалы аяқтауды тапсырды. Сонымен қатар аудан әкімдігіне ауылдағы оқушы санын арттыру бағытында «Қаладан – ауылға» бағдарламасының мүмкіндіктерін тиімді пайдалану қажеттігін атап өтті.
Айта кетейік, Айнабұлақ ауылындағы білім беру мекемесі өткен ғасырдың 60-жылдары бастауыш мектеп ретінде ашылған. Кейін 2000 жылы бейімделмеген ғимаратқа көшіріліп, ұзақ жылдар бойы тоғыз жылдық мектеп ретінде жұмыс істеп келді. Ал 2022 жылы нысан ресми түрде апатты деп танылған болатын.
Жаңа мектептің салынуы – ауылдағы білім сапасын арттырып қана қоймай, елді мекеннің болашағына бағытталған маңызды қадам.
Соңғы жаңалықтар
Жайық үстінен жаңа көпір салынады: өңірлік инфрақұрылымның жаңа кезеңі
Оралда қаланы көркейтуге бағытталған көгалдандыру жұмыстары қарқын алды
Мемлекет басшысының атынан Астанада бір топ БАҚ қызметкеріне пәтер берілді
Бет-жүзді тануға кедергі келтіретін киімдерді киюге қатысты жауапкершілік туралы еске салды
Әлеуметтік желілерде арандатушылық пен алауыздықты қоздыруға мүлдем жол берілмейді – Бас прокуратура
Мемлекеттік қызметшілер күніне арналған салтанатты іс-шара өтті
Батыс Қазақстан облысында «50 жаңа аула» экологиялық акциясы жалғасуда
Мемлекеттік қызмет көрсету сапасын арттырудағы цифрлық мониторинг
ІІМ: «Жас сақшы» сыныптарының алғашқы түлектері сертификат алып, заңға қызмет ету жолын таңдады
