КіруЕУРООДАҚ ЖӘНЕ БІРҚАТАР ЕЛДІҢ ЕЛШІЛЕРІМЕН КЕЗДЕСТІ
Батыс Қазақстан облысына жұмыс сапарымен келген Еуропалық Одақтың Қазақстандағы Елшісі Алешка Симкич бастаған дипломатиялық делегацияны облыс әкімі Нариман Төреғалиев қабылдады.
Кездесуге Австрия, Бельгия, Кипр, Финляндия, Франция, Латвия, Литва, Португалия, Сербия, Испания және Канаданың елшілері, сондай-ақ Эстония, Польша мен Швейцарияның уақытша сенімді өкілдері қатысты. Кең құрамдағы бұл басқосу Қазақстан мен халықаралық серіктестер арасындағы өзара ынтымақтастықты нығайтуға бағытталған маңызды диалог алаңына айналды.
Кездесу барысында тараптар инвестициялық байланыстарды кеңейту, сауда-экономикалық ынтымақтастықты дамыту және өңірдің инвестициялық әлеуетін арттыру мәселелерін талқылады. Аймақ басшысы мұндай сапарлардың халықаралық әріптестікті жаңа деңгейге көтеріп, өзара тиімді жобаларды жүзеге асыруға серпін беретінін атап өтті.
– Мемлекет басшысы Қасым-Жомарт Тоқаев Қазақстан мен Еуропалық Одақ арасындағы қарым-қатынастың стратегиялық сипатқа ие екенін ерекше атап өтті. Осы бағыттағы міндеттерді орындау аясында облысымызда шетелдік инвестиция тарту бойынша жүйелі жұмыстар жүргізілуде. Бүгінде Батыс Қазақстан облысы бірқатар Еуропа мемлекеттерімен және басқа да елдермен берік экономикалық байланыс орнатқан. 2025 жылдың қорытындысы бойынша өңірдің Еуропалық Одақ елдерімен тауар айналымы 5 миллиард АҚШ долларынан асты, – деді Нариман Төреғалиев.
Өз кезегінде Еуропалық Одақтың Қазақстандағы Елшісі Алешка Симкич Қазақстанның Еуропалық Одақ үшін сенімді әрі маңызды серіктес екенін айтып, өңірлермен тікелей байланыс орнатудың маңызына тоқталды.
– Еуропалық Одақ – Қазақстанның ең ірі сауда және инвестициялық серіктесі. Біз өзара ықпалдастықты одан әрі күшейтуге мүдделіміз. Өңірлерге сапардың негізгі мақсаты – жергілікті мүмкіндіктермен танысып, жаңа серіктестік бағыттарын айқындау. Қазақстанда жүзеге асып жатқан саяси реформалар мен жаңғыру үдерістерін де үлкен қызығушылықпен бақылап отырмыз, – деді Алешка Симкич.
Кездесу барысында дипломаттар өңірдің инвестициялық ахуалы, өнеркәсіптік әлеуеті, логистикалық мүмкіндіктері және инвесторларға көрсетілетін мемлекеттік қолдау шаралары жөнінде пікір алмасты. Аймақ басшысы биыл облыс экономикасына 1 триллион теңгеден астам инвестиция тарту жоспарланып отырғанын айтып, бұл бағыттағы жұмыстардың жүйелі жалғасатынын жеткізді.
Жүздесу өзара сенімге негізделген ашық диалог форматында өтіп, халықаралық ынтымақтастықты одан әрі дамытуға деген ортақ ұмтылысты айқындады.
Версия для печатиСоңғы жаңалықтар
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
«ДАУЫС» коалициясы Құрылтай сайлауындағы қоғамдық байқаудың алдын ала қорытындысын жариялады
Наблюдатели в ЗКО зафиксировали высокую явку и отсутствие нарушений
Орал төріндегі тарихи таспа: «Қосшығұлов: шоколад фабрикасы» актерлері Құрылтайда дауыс берді
Оралдағы №502 сайлау учаскесінде балаларға арналған аквагрим ұйымдастырылды
Спорт алаңынан сайлау учаскесіне: танымал қазақстандықтар дауыс беруге қатысты
ЧЕМПИОНДАР ТАҢДАУЫ: СПОРТ САҢЛАҚТАРЫ ЕЛДІК НАУҚАННАН ҚАЛЫС ҚАЛМАДЫ
Мемлекет басшысы Қазақстан Республикасының Құрылтай депутаттары сайлауында дауыс берді
Тұсаукесер, ретро және кино кейіпкерлері: Құрылтайға алғашқы сайлау күнін қазақстандықтар мерекелік көңіл-күйге ұластырып жатыр
