КіруАҚЖАЙЫҚ ШАҒЫН АУДАНЫ ҚҰРЫЛЫСЫНЫҢ БАРЫСЫН ТЕКСЕРДІ
Қазақстан Республикасы Премьер-Министрінің бірінші орынбасары Нұрлыбек Нәлібаев Батыс Қазақстан облысына жұмыс сапары барысында Орал қаласындағы Ақжайық жаңа шағын ауданының құрылыс алаңында болып, жүзеге асырылып жатқан жобалардың барысымен танысты.
Өңірдегі ең ірі тұрғын үй құрылысы жобаларының бірі саналатын Ақжайық жаңа шағын ауданы Орал қаласын дамытудың кешенді жоспары аясында салынуда. БҚО әкімдігі баспасөзінің мәліметінше, жалпы аумағы 420 гектарды құрайтын жаңа аудан болашақта 50 мың тұрғынды баспанамен қамтамасыз етуге арналған. Қазіргі уақытта оның 100 гектар аумағында белсенді құрылыс жұмыстары жүргізіліп жатыр.
Бүгінде шағын ауданның орталық және оңтүстік бөліктерінде инженерлік инфрақұрылым толықтай тартылып, кәріз сорғы стансасы пайдалануға дайындалған. Сонымен қатар тұрғындардың қатынасын жеңілдету және көлік ағынын тиімді ұйымдастыру мақсатында жаңа автомобиль көпірінің құрылысы басталды.
Нұрлыбек Нәлібаев құрылыс алаңында мердігер мекемелердің өкілдерімен кездесіп, жобаның сапалы әрі белгіленген мерзімде аяқталуының маңыздылығына тоқталды. Ол тұрғын үй құрылысы саласында жұмыс істейтін компанияларға үлкен жауапкершілік жүктелетінін атап өтіп, ең алдымен құрылыс сапасы мен қауіпсіздік талаптарының қатаң сақталуына басымдық беру қажеттігін айтты.
– Халық игілігі үшін салынып жатқан әрбір нысан сапалы әрі уақытылы пайдалануға берілуі тиіс. Сондықтан құрылыс қарқынымен қатар орындалатын жұмыстардың сапасына ерекше назар аудару қажет, – деді Үкімет басшысының бірінші орынбасары.
Кездесу барысында Нұрлыбек Нәлібаев азаматтарды тұрғын үймен қамтамасыз етуге бағытталған мемлекеттік бағдарламалар мен қолдау тетіктері туралы да ақпарат берді.
Қазіргі таңда Ақжайық шағын ауданында 1044 пәтерлік 10 көпқабатты тұрғын үй мен оңалту орталығы пайдалануға берілген. Сонымен қатар тағы 16 тұрғын үйдің құрылысы жалғасуда. Жыл соңына дейін олардың бір бөлігін, яғни 648 пәтерді тұрғындардың игілігіне беру жоспарланып отыр.
Жобаның келесі кезеңдерінде шағын ауданда әлеуметтік инфрақұрылымды дамытуға басымдық беріледі. Алдағы уақытта мұнда жалпы саны 60 әлеуметтік нысан салу көзделген. Олардың қатарында екі мектеп, төрт балабақша, көпбейінді аурухана, перинаталдық орталық және 12 мың көрерменге арналған заманауи стадион бар.
Ақжайық жаңа шағын ауданының құрылысы өңір тұрғындарын сапалы баспанамен қамтамасыз етіп қана қоймай, әлеуметтік нысандар мен инженерлік инфрақұрылымы дамыған заманауи қалалық орта қалыптастыруға мүмкіндік береді.
Версия для печатиСоңғы жаңалықтар
Мемлекет басшысы АҚШ Конгресі Өкілдер палатасының делегациясын қабылдады
«ТАЗА ҚАЗАҚСТАН»: ЖАСТАР ҮГІТ МАТЕРИАЛДАРЫН ЖИНАП, ҚАЛА ТАЗАЛЫҒЫНА ҮЛЕС ҚОСТЫ
Қазақстандағы төмен байытылған уран банкі: сақтау кезінде қандай технологиялар қолданылады?
Әлеуметтік күн тәртібі мен еркін үгіт-насихат: байқаушылар Қазақстандағы сайлау науқанының барысына өз бағасын берді
Мемлекет басшысы халықаралық пән олимпиадалары жеңімпаздарымен және жүлдегерлерімен кездесті
«Байтақ» партиясы халықтың таңдауына құрметпен қарайды» – Азаматхан Әміртаев
Миссия наблюдателей от СНГ представила итоговую оценку прошедших в Казахстане выборов депутатов Курултая
«ДАУЫС» қоғамдық байқаушылар коалициясы Құрылтай депутаттарын сайлауға жүргізілген мониторингтің алдын ала қорытындысын жариялады
ТМД миссиясы Құрылтай сайлауын әділ, бәсекеге толы әрі ашық өтті деп бағалады
«ДАУЫС» коалициясы Құрылтай сайлауындағы қоғамдық байқаудың алдын ала қорытындысын жариялады
Наблюдатели в ЗКО зафиксировали высокую явку и отсутствие нарушений
Орал төріндегі тарихи таспа: «Қосшығұлов: шоколад фабрикасы» актерлері Құрылтайда дауыс берді
Оралдағы №502 сайлау учаскесінде балаларға арналған аквагрим ұйымдастырылды
Спорт алаңынан сайлау учаскесіне: танымал қазақстандықтар дауыс беруге қатысты
ЧЕМПИОНДАР ТАҢДАУЫ: СПОРТ САҢЛАҚТАРЫ ЕЛДІК НАУҚАННАН ҚАЛЫС ҚАЛМАДЫ
Мемлекет басшысы Қазақстан Республикасының Құрылтай депутаттары сайлауында дауыс берді
Тұсаукесер, ретро және кино кейіпкерлері: Құрылтайға алғашқы сайлау күнін қазақстандықтар мерекелік көңіл-күйге ұластырып жатыр
