КіруХалықаралық әуе рейстерінің саны артады
Соңғы жылдары Батыс Қазақстан облысының авиация саласында оң динамика байқалып отыр. Кейінгі үш жылда әуе кемелерінің ұшып-қону жиілігі 24 %-ға, максималды ұшу салмағы 49%-ға артқан. Сондай-ақ жүк пен пошта өңдеу көлемі 48%-ға, жолаушылар ағыны 43%-ға көбейді.
Қазіргі таңда Мәншүк Мәметова атындағы «Орал» халықаралық әуежайы арқылы 5 республикалық және 2 тұрақты халықаралық бағыт бойынша әуе рейстері орындалуда. Бұдан бөлек, Анталья мен Шарм-эль-Шейх қалаларына маусымдық рейстер ұйымдастырылып келеді.
Алдағы уақытта халықаралық бағыттар саны тағы да арта түспек. Атап айтқанда, келесі айда Стамбул–Орал–Стамбул бағыты бойынша жаңа тұрақты рейсті іске қосу жоспарланып отыр. Бұл бастама өңірдің халықаралық байланысын нығайтып қана қоймай, туризм мен іскерлік қатынастардың дамуына, сондай-ақ көлік-логистикалық әлеуеттің артуына мүмкіндік береді.
Сонымен қатар Көлік министрлігімен бірлесіп Атырау және Қарағанды бағыттары бойынша әуе рейстерін субсидиялау мәселесі қарастырылуда. Ресейлік әуе компанияларымен Мәскеу қаласына бағыт ашу мүмкіндігі де зерделеніп жатыр.
Әуежай инфрақұрылымын жаңғырту жұмыстары да кезең-кезеңімен жүргізілуде. Өткен жылы рульдеу жолағы мен перрон жөнделіп, инженерлік инфрақұрылым және авиациялық қауіпсіздік жүйелері жаңартылды. Цифрландыру бағытында да бірқатар жоба іске асырылды. Атап айтқанда, рейстерді нақты уақыт режимінде бақылауға мүмкіндік беретін операциялық деректер базасы мен IT-инфрақұрылымды мониторингтеу жүйесі қолданысқа енгізілді. Бұл жолаушыларға қызмет көрсету сапасын арттырып, тіркеу, ақпараттандыру және жүк беру үдерістерін жеңілдетуге ықпал етті.
Алдағы 2026–2030 жылдарға арналған инвестициялық бағдарлама аясында әуежайдың өткізу қабілетін арттыру және инфрақұрылымын одан әрі дамыту жоспарланып отыр.
Облыс әкімі Нариман Төреғалиев өңірде шағын авиацияны дамыту мәселесін де назарға алуды тапсырды. Әсіресе, туристік әлеуеті жоғары Бөкей ордасы ауданына әуе қатынасын ұйымдастыру мүмкіндігін жан-жақты қарастыру қажеттігін атап өтті.
Алдағы жоспарлардың жүзеге асуы әуежай қызметінің сапасын арттырып қана қоймай, өңірдің туристік және экономикалық мүмкіндіктерін кеңейтуге ықпал етеді. Осылайша, Батыс Қазақстан облысы халықаралық әуе қатынасы дамыған өңірлердің біріне айналуға қадам жасап отыр.
Ә.Бақытжанқызы
Версия для печатиСоңғы жаңалықтар
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Жалған адам ұрлау мен донат үшін төбелес: Қазақстанда 9 стример жауапқа тартылды
Эксперт: миссия Курултая – согласовывать партийные ценности и национальные интересы
Бүгінде Құрылтай жаңа мазмұнға ие болып, қоғам мен мемлекет арасындағы ашық пікір алмасудың маңызды алаңына айналды
Қазақстанда 4,5 миллионнан астам әйел экономиканың әртүрлі салаларында еңбек етуде
Жаңақала ауданында «Заң мен тәртіп – әділетті қоғам кепілі» форумы өтті
