КіруБҚО тікелей шетелдік инвестиция тарту бойынша көшбасшы өңірлер қатарына кірді
Батыс Қазақстан облысы тікелей шетелдік инвестиция тарту көрсеткіші бойынша республикада көшбасшы өңірлердің қатарына енді. 2025 жылдың қорытындысына сәйкес, өңірге тартылған тікелей шетелдік инвестициялар көлемі 1 776,5 млн АҚШ долларына жетіп, жоспар 45,7 пайызға артығымен орындалды.
Бұл туралы облыс әкімі Нариман Төреғалиевтің төрағалығымен өткен инвестициялық штабтың кезекті отырысында айтылды. Мемлекет басшысының инвестициялық ахуалды жақсарту және өңірлерге капитал тарту жөніндегі тапсырмасына сәйкес, облыс әкімінің жетекшілігімен батысқазақстандық делегация бірқатар алыс-жақын шетелдерге іссапармен барып, әлеуетті инвесторлармен келіссөздер жүргізген болатын. Жүйелі жұмыстың нәтижесінде Батыс Қазақстан облысы тікелей шетелдік инвестиция көлемі бойынша республикада 4-орынға көтерілді.
Жиында өңірдің инвестициялық әлеуетін тиімді пайдалану, экономиканы әртараптандыру және жаңа өндірістерді іске қосу мәселелері талқыланды. Әсіресе, өңдеу өнеркәсібін дамыту, аудан-қалаларда нақты жобаларды сүйемелдеу және инвесторларға қолайлы жағдай жасау қажеттігі атап өтілді. Биылғы төрт айдың қорытындысы бойынша негізгі капиталға салынған инвестициялар көлемі 182,6 млрд теңгеге жетіп, өткен жылдың сәйкес кезеңімен салыстырғанда 17 пайызға артқан. Бұл көрсеткіш облыста инвестициялық белсенділіктің сақталып отырғанын көрсетеді.
Штаб отырысында Ұлттық цифрлық инвестициялық платформаға енгізу үшін 5 жоба ұсынылды. Оның қатарында жылына 180 мың тонна өнім өндіруге мүмкіндік беретін керосин өндірісі бар. Сонымен қатар сұйық азот өндіретін зауытты жаңғырту және қалдықтарды жою әрі қайта өңдеу бойынша өндірістік база салу жоспарланған. Бұл үш жоба Бөрлі ауданында жүзеге асырылмақ.
Қазталов ауданында да ауыл шаруашылығын дамытуға бағытталған маңызды бастама қарастырылды. Инвестор суармалы алқаптарға су жеткізу және жаңбырлатқыш машиналар арқылы суару инфрақұрылымын салуды көздеп отыр. Жобалық қуаты жылына 52,5 мың центнер болатын нысанды биыл іске қосу жоспарлануда.
Ал Орал қаласында агротуризм мен ауыл шаруашылығы кластерін дамытуға бағытталған жоба қолға алынбақ. Құны 7 млрд теңгені құрайтын жоба аясында тұрақты және маусымдық жұмыс орындарын қоса есептегенде 600 адамды еңбекпен қамту көзделген. Бұл бастама ауыл шаруашылығы өнімдерін өндіру көлемін арттырумен қатар, қала маңындағы туризмді дамытуға да серпін береді.
Отырыс барысында ұсынылған жобалардың жүзеге асыру тетіктері, экономикалық тиімділігі және инфрақұрылымдық қажеттіліктері қаралды. Жауапты басқармаларға, қала және аудан әкімдіктеріне инвестициялық жобаларды сапалы сүйемелдеу, жоспарланған көрсеткіштерге қол жеткізу және инвесторлармен жұмысты жүйелі жалғастыру міндеті жүктелді.
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
