КіруДеркөл кентіне қарасты Ветелки ауылы жолының құрылысы басталды
Орал қаласына қарасты Деркөл кентінің Ветелки ауылына апаратын жолда құрылыс жұмыстары басталды. Қазіргі таңда нысанда дайындық кезеңі жүргізіліп жатыр. Жол өтетін аумақта қырып-тазалау жұмыстары атқарылып, құрылыс алаңы арнайы техникалардың көмегімен ретке келтірілуде.
Жобаға сәйкес, жалпы ұзындығы 14,8 шақырым болатын жол салу жоспарланған. Аталған жұмыс ауыл тұрғындары үшін маңызды инфрақұрылымдық жобалардың бірі саналады. Жолдың салынуы елді мекендер арасындағы қатынасты жеңілдетіп, тұрғындардың қалаға және өзге де бағыттарға қатынауына қолайлы жағдай жасайды. Сонымен қатар көлік қозғалысының қауіпсіздігін арттырып, ауылдың әлеуметтік-экономикалық дамуына оң әсерін тигізеді.
Құрылыс жұмыстарының барысын Орал қаласы әкімінің орынбасары Жандос Дүйсенғалиев арнайы барып қарап шықты. Нысанды аралау барысында жауапты мердігер мекеме өкілдерімен кездесіп, жұмыстың сапасына ерекше мән беру қажеттігін атап өтті. Сондай-ақ құрылыс барысын бекітілген кестеге сай жүргізу және барлық талаптарды қатаң сақтау жөнінде нақты тапсырмалар берілді.
Жол құрылысын «Ануш-Құрылыс» ЖШС жүзеге асыруда. Қазіргі уақытта мердігер мекеме тарапынан дайындық жұмыстары қарқынды жүргізіліп, алдағы негізгі құрылыс кезеңіне қажетті шаралар қолға алынған.
Жоба толық аяқталғаннан кейін Ветелки ауылының тұрғындары үшін жол қатынасы едәуір жақсарып, күнделікті қозғалысқа қолайлы жағдай қалыптасады.
Әдемі Бақытжанқызы
Версия для печатиСоңғы жаңалықтар
БҚО тікелей шетелдік инвестиция тарту бойынша көшбасшы өңірлер қатарына кірді
«Ауыл аманаты» ауылды дамытуға серпін беруде: Қаратөбе ауданында сүт өндірісінің ауқымы кеңейіп келеді
Қазақстандықтар елдің даму бағытын жоғары деңгейде оң бағалауын сақтап отыр
Nuctech жобасы Қазақстанның транзиттік әлеуетін арттыруға серпін береді
От хроники к будущему: в Казахстане стартует кинолекторий ТРК Президента
Қоғамдық топтасу: әлеуметтік сауалнама Президент саясатына ауқымды қолдауды айқындады
Мемлекет басшысы «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойды
Казахстан оказался самым экономным потребителем воды в Центральной Азии
БҚО-да ветеринариялық және фитосанитариялық бақылау бекеттері жаңғыртылуда
Қасым-Жомарт Тоқаев елімізге мемлекеттік сапармен келген Түркия Президенті Режеп Тайип Ердоғанды қарсы алды
