КіруОралдағы көне театр күрделі жөндеуден өтуде
Орал қаласындағы А.Н.Островский атындағы драма театры – еліміздегі ең көне өнер ордаларының бірі. 167 жылдық тарихы бар театр 1859 жылы Александр Островскийдің «Кедейлік – кемшілік емес» спектаклімен алғаш рет сахна шымылдығын түрген. Содан бері бұл өнер ордасы талай көрерменнің рухани мекеніне, талай таланттың шығармашылық ұясына айналды.
Бүгінде тарихы терең театр жаңа кезеңге қадам басып жатыр. 2025 жылдың ақпан айында басталған күрделі жөндеу жұмыстарына 593 млн теңге қарастырылған. Жоба аясында ғимараттың инженерлік жүйелері жаңартылып, сахна заманауи жарық, дыбыс аппаратуралары және LED экранмен жабдықталуда.
Жаңғырту жұмыстарының басты мақсаты – театрдың тарихи болмысын сақтай отырып, көрерменге жайлы, әртістерге қолайлы орта қалыптастыру. Қазір 300 орындық залдың акустикасына ерекше мән беріліп, сахнадағы әр сөз соңғы қатарға дейін анық жететін деңгейге жеткізілген.
Жөндеу жұмыстары жүріп жатса да, театрдың шығармашылық тынысы бәсеңдеген жоқ. Ұжым спектакльдерін Халық шығармашылығы орталығының сахнасында ұсынып, көрерменімен байланысын үзбей келеді.
Көне сахнаның жаңаруы, театрдың бүгінгі тынысы мен алдағы жоспары туралы театр директоры Марат Кеңесұлымен тілдескен едік. Толығырақ «Жайық үні» басылымының кезекті санынан оқи аласыздар.
Әдемі Бақытжанқызы
Соңғы жаңалықтар
«Ауыл аманаты» ауылды дамытуға серпін беруде: Қаратөбе ауданында сүт өндірісінің ауқымы кеңейіп келеді
Қазақстандықтар елдің даму бағытын жоғары деңгейде оң бағалауын сақтап отыр
Nuctech жобасы Қазақстанның транзиттік әлеуетін арттыруға серпін береді
От хроники к будущему: в Казахстане стартует кинолекторий ТРК Президента
Қоғамдық топтасу: әлеуметтік сауалнама Президент саясатына ауқымды қолдауды айқындады
Мемлекет басшысы «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлыққа қол қойды
Казахстан оказался самым экономным потребителем воды в Центральной Азии
БҚО-да ветеринариялық және фитосанитариялық бақылау бекеттері жаңғыртылуда
Қасым-Жомарт Тоқаев елімізге мемлекеттік сапармен келген Түркия Президенті Режеп Тайип Ердоғанды қарсы алды
БҚО-да полиция қызметкерлері қорқытып ақша талап ету дерегінің жолын кесті
