КіруМАЛДЫҢ ТЕРІСІН ҚАЛДЫРЫП КЕТКЕН ЖҮРГІЗУШІ АНЫҚТАЛДЫ
БҚО Полиция департаментінің баспасөз қызметі Орал қаласындағы «Орбита» саяжай қауымдастығы аумағында ірі қара малдың терілерін тастап кеткен жүргізушінің анықталғанын хабарлады.
17 қаңтар күні сағат 13.59-да Орал қаласы Полиция басқармасы Абай полиция бөлімінің кезекшілік бөліміне Орал қаласының тұрғыны хабарласып, әлдекімнің «Орбита» саяжай қауымдастығы аумағына ірі қара малдың терілерін түсіріп кеткенін хабарлаған. Оқиға орнына полиция инспекторлары барып, іздестіру жұмыстары барысында бейнебақылау камерасына түсіп қалған көлікті, кейіннен жүргізушінің кім екенін анықталған.
Тексеріс барысында 13 қаңтарға қараған түні 1989 жылы туылған қала тұрғыны «Камаз-5511» автокөлігімен ірі қара малдың терілерін түсіргені және оқиға орнынан кетіп қалғаны анықталған. Терілердің жалпы салмағы 5-6 тонна шамасында.
Қазіргі уақытта бұл азамат ҚР әкімшілік құқықбұзушылық туралы Кодекстің 505-бабы (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) бойынша әкімшілік жауапқа тартылған.
Айта кету керек, Батыс Қазақстан облысында өткен жылы ҚР ӘҚ туралы Кодекстің 505-бабы бойынша 3927 тәртіп бұзушы жауапқа тартылған. Ал Орал қаласы Полиция басқармасы желдел басқару орталығының мәліметінше, 2018 жылы Орал қаласындағы бейнебақылау камералары арқылы 16 104 заңбұзушылықтың жолы кесілген.
Елмұра АСХАТҚЫЗЫ
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу