Оралда Наурыз мерекесіне 50 мыңнан астам адам жиналды
22 наурыз күні Орал қаласында көктемнің басты мерекесі – Наурыз кең көлемде аталып өтті. Таңғы сағаттардан бастап орталық алаңдарға жиналған тұрғындар мен қала қонақтары үшін киіз үйлер тігіліп, жәрмеңкелер мен концерттік алаңдар ұйымдастырылды. Ұйымдастырушылардың мәліметінше, мерекелік шараларға 50 мыңнан астам адам қатысты.
Қала тұрғындары ұлттық тағамдардан дәм татып, қолөнер туындыларымен танысып, театрландырылған қойылымдар мен концерттік бағдарламаларды тамашалады. Халықтық бірліктің көрінісін ұлттық ойындар, алтыбақан және көпшілік серуендер айшықтай түсті.
Тұрғындар мерекенің ерекше маңызын атап өтті.
«Наурыз – бұл жай ғана мереке емес, бұл біздің тамырымыз бен тарихымыз. Бүгін балаларымызды ертіп келіп, дәстүрімізді көрсеткіміз келді. Осындай күндер көп болса екен», – дейді қала тұрғыны Айгүл Сариева.
«Ұйымдастыру деңгейі жоғары. Ең бастысы – халықтың бірлігі мен көтеріңкі көңіл-күйі. Әсіресе ұлттық құндылықтар мен салт-дәстүрдің жас ұрпаққа жеткізіліп жатқаны маңызды», – деді зейнеткер Қанат Оразов.
Салтанатты шара барысында облыс әкімі тұрғындарды құттықтап, Наурыздың бірлік пен келісімнің, ұрпақтар сабақтастығының символы екенін атап өтті. Сонымен қатар, мереке қарсаңында 43 отбасының жаңа баспанаға ие болғанын айтып, өңірдегі әлеуметтік қолдау шараларына тоқталды. Бұдан бөлек, аймақтың дамуындағы оң өзгерістер мен инвестициялық белсенділіктің артқаны да тілге тиек етілді.
Сондай-ақ, Мемлекет басшысы Қасым-Жомарт Тоқаев бастамасымен жүзеге асқан «Наурызнама» онкүндігіне ерекше назар аударылды. Оның аясында Отбасы күнінде ұзақ жыл бірге өмір сүрген жұптар құрметтеліп, отбасы құндылықтары насихатталды. Ұлттық спорт күнінде «Бабалар ізімен» лигасының жаңа маусымы басталып, дәстүрлі ойындар заманауи технологиялармен ұштастырылды. Сонымен қатар күн сайын театрландырылған қойылымдар, қолданбалы өнер көрмелері ұйымдастырылып, «Digital Nauryz» аясында цифрландыру элементтері енгізілді.
Алдағы уақытта «Таза Қазақстан» экологиялық акциясы аясында сенбіліктер өткізіліп, көгалдандыру жұмыстары жалғасын табады.
Версия для печатиСоңғы жаңалықтар
Президент Қасым-Жомарт Тоқаев Қожа Ахмет Ясауи кесенесіне зиярат етті
Аймақ басшысы ардагер журналист Роза Сыйықоваға сый-құрмет көрсетті
Реализация инициативы Президента «Таза Қазақстан»: 1,6 млрд высаженных деревьев и лесомелиорация на площади более 1 млн га
Қасым-Жомарт Тоқаев ғылымды қаржыландыру ісіне қатаң тәртіп керек, қаражатты басымдықтарға қарай жұмсаған жөн деп санайды
Мемлекет басшысы әл-Фараби атындағы Қазақ ұлттық университетіне барды
«Таза Қазақстан» – экологиялық жауапкершілікті арттыруға бағытталған маңызды кездесу
Казахстан вошёл в топ-40 экономик мира – данные международных аналитиков
Казахстанцы своими голосами продемонстрировали настоящий патриотизм, поддержав все инициативы Главы государства – Олжас Бектенов о новой Конституции
Қазақстандықтар Мемлекет басшысының барлық бастамасын қолдап, өз дауыстарымен нағыз отаншылдықтың үлгісін паш етті – Олжас Бектенов
Президент Касым-Жомарт Токаев принял участие в торжественном мероприятии, посвященном принятию Конституции
Миссия СНГ заявила об открытом и спокойном проведении референдума в Казахстане
Представитель Мьянмы: Опыт референдума в Казахстане может быть полезен другим странам

Кіру



