ЕСЕП БЕРУ КЕЗДЕСУЛЕРІ БАСТАЛДЫ (КЕСТЕ)

Әкімдердің халық алдындағы есеп беру кездесулері басталды. Барлық деңгейдегі әкімдер бір жыл бойы атқарылған жұмыстарын тұрғындар алдында баяндап, алдағы жұмыстар жоспарын таныстырады.

ҚР Президентінің «Орталық атқарушы органдар басшыларының, әкімдердің, ұлттық жоғары оқу орындары ректорларының халыққа есеп беру кездесулерін өткізу туралы» Жарлығына сәйкес биыл ауылдық округ әкімдері 14-18 қаңтар аралығында елді мекендерде, ал 15-25 қаңтар аралығында ауылдық округ орталықтарында атқарылған жұмыстар туралы тұрғындар алдында есеп береді деп жоспарлануда. Облыс әкімінің есептік кездесуі 16 ақпан күні Орал қаласындағы оқушылар және жастар сарайында өтеді. Осыған орай қазіргі кезде Орал қаласы мен аудандарда арнайы жәшіктер орнатылып, тұрғындардың ұсыныс-тілектері, ескертпелері жинақталуда. 12 аудан мен Орал қаласы әкімінің есептік кездесулеріне өңір басшысы Алтай Көлгіновтің қатысады. Ал шаһар басшысы Мұрат Мұқаев 13-ші ақпан күні «Нұр Отан» Партиясының Батыс Қазақстан облыстық филиалы ғимаратының үлкен залында халық алдында есеп береді.

Өңір басшысы мен қаланың әкімінің есебі онлайн режимде тікелей эфирде көрсетілетін болады.

Батыс Қазақстан облысы әкімі, аудан және қала әкімдерінің халыққа есеп беру кездесулерінің КЕСТЕСІ

№	Аудан	Өтетін уақыты	Өтетін орны
1	Жаңақала	30 қаңтар, сағ. 10.00	Жаңақала а., Мәдениет үйі
2	Бөкей ордасы	31 қаңтар, сағ. 10.00	Сайқын а., Мәдениет үйі
3	Жәнібек	31 қаңтар, сағ. 16.00	Жәнібек а., Мәдениет үйі
4	Казталов	1 ақпан, сағ. 10.00	Казталов а., Мәдениет үйі
5	Ақжайық	4 ақпан, сағ. 16.00	Чапаев а., Мәдениет үйі
6	Теректі	5 ақпан, сағ. 16.00	Федоровка а., Мәдениет үйі
7	Тасқала	6 ақпан, сағ. 10.00	Тасқала а., Мәдениет үйі
8	Бәйтерек	6 ақпан, сағ. 16.00	Переметное а., Мәдениет үйі
9	Шыңғырлау	7 ақпан, сағ. 10.00	Шыңғырлау а., Мәдениет үйі
10	Бөрлі	7 ақпан, сағ. 16.00	Ақсай қ., Мәдениет үйі
11	Қаратөбе	8 ақпан, сағ. 11.00	Қаратөбе а., Мәдениет үйі
12	Сырым	8 ақпан, сағ. 16.00	Жымпиты а., Мәдениет үйі
13	Орал қаласы	13 ақпан, сағ. 16.00	Орал қаласы, «Нұр Отан» ғимараты
14	Батыс Қазақстан облысы	16 ақпан, сағ.10.00	Орал қаласы, Оқушылар және жастар сарайы