КіруМейірім жолындағы жандарды құттықтады
24 қазан күні Орал қаласындағы «Алтын Орда» мәдениет үйінде әлеуметтік сала қызметкерлерінің күніне арналған «Жүректен жүрекке – мейірім жолы» атты мерекелік кеш өтті.
Бұл күн – өзгелердің тағдырына бейжай қарамай, өз жүрегінің жылуын мұқтаж жандарға сыйлайтын әлеуметтік сала мамандарының еңбегін бағалайтын ерекше мейрам.
Салтанатты жиынға Орал қаласының әкімі Мұрат Байменов қатысып, қоғамдағы әлеуметтік әділдік пен адамгершіліктің діңгегіне айналған сала қызметкерлерін кәсіби мерекелерімен шын жүректен құттықтады. Кеш барысында ұзақ жылдар бойы әлеуметтік салада табанды еңбек етіп, қоғам игілігіне үлес қосқан бірқатар қызметкерлерге облыс және қала әкімдерінің, сондай-ақ мекеме басшыларының атынан алғыс хаттар мен құрмет грамоталары табыс етілді.
Шараның көркін көркем өнер ұжымдарының қатысуымен өткен мерекелік концерт айшықтай түсті. Көрермендерге әсерлі әндер, әсем билер мен жүрекке жылылық ұялатқан көріністер ұсынылып, залда шынайы қуаныш пен ризашылықтың ерекше атмосферасы орнады.
Мейірім мен ізгіліктің, адалдық пен жан жылуының символына айналған барша әлеуметтік сала қызметкерлерін осы
орайда кәсіби мерекелерімен шын жүректен құттықтаймыз!
Еңбектеріңіз ел игілігіне жарап, жүректеріңіз мейірім нұрына толы болсын. Отбасыларыңызға амандық, еңбектеріңізге толайым табыс тілейміз!
«Жайық үні»
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
