КіруБҚО-да бопсалау фактісі бойынша күдікті ұсталды
Батыс Қазақстан облысында бопсалау фактісі бойынша күдікті ұсталды, деп хабарлады облыстық Полиция департаменті.
Ведомство мәліметінше, Орал қаласының 23 жастағы тұрғыны бұрынғы танысын бірнеше жыл бойы бопсалап келген. Ол интим сипаттағы фотосуреттерді әлеуметтік желілерге таратамын деп қорқытып, жәбірленушіден жүйелі түрде ақша талап еткен.
Тергеу барысында анықталғандай, жәбірленуші үш жыл ішінде күдіктіге жалпы сомасы 9 миллион теңге көлемінде ақша берген. Бопсалау әрекеттері банктік аударымдар мен мессенджерлердегі жазбалар арқылы расталды.
Күдікті кезекті рет 150 мың теңге алып жатқан сәтінде қылмыс үстінде ұсталды. Аталған дерек бойынша қылмыстық іс қозғалып, ол уақытша ұстау изоляторына қамалды. Қазір тергеу амалдары жүргізілуде.
Полиция департаменті бопсалау жағдайында азаматтарды дереу құқық қорғау органдарына жүгінуге шақырады. Қаскөйлердің талабына еріп, мәселені өз бетінше шешуге тырысу – жағдайды ушықтырып жіберуі мүмкін.
Айнара ИСА
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
