КіруОралда 13 адамды алдаған алаяқ ұсталды
Батыс Қазақстан облысында жүргізуші куәлігін заңсыз жасап беремін деп алдаған алаяқ 13 адамнан 6,5 миллион теңгеден астам қаржы алған. Бұл туралы облыстық полиция департаментінің ресми өкілі Нұржан Қуанғали хабарлады.
Полиция мәліметі бойынша, күдікті тұрғындарға жүргізуші куәлігін тез және оңай алуға болатынын уәде еткен. Оның сөздеріне сенген азаматтар құжат рәсімдеу үшін қолындағы қаржысын беріп, алданған. Кейбір жәбірленушілер өздерімен бірге таныстарын да осы адамға сендірген.
Нұржан Қуанғали атап өткендей, күдіктіге қатысты алаяқтық фактісі бойынша қылмыстық іс қозғалып, ол уақытша ұстау изоляторына қамалды. Қазір тергеу шаралары жүргізілуде.
Полиция тұрғындарды құжаттарды тек ресми жолмен рәсімдеуге және алаяқтарға алданбауға шақырады. Осындай жағдайлар туралы мәлімет болса, құқық қорғау органдарына хабарлауға кеңес береді.
«Жайық үні»
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
