КіруҰРЛЫҚ 30 МИНУТТА АШЫЛДЫ
Өткен жылдың соңғы күндерінің бірінде, нақтырақ айтсақ, 2018 жылғы 30 желтоқсанда, түнгі сағат 23.51 шамасында Орал қаласы полиция басқармасы кезекші бөлімінің жедел кезекшісіне қала ішіндегі зәулім сарайдай екі қабатты үйге ұры түсіп, үйдің астан-кестеңі шыққаны, әр бөлменің қопарылып, шкафтардың төңкеріліп жатқаны туралы суыт хабар түседі. Пәтер ұрлығы тіркелген оқиға орнына басқарманың тәуліктің кезекшілікке түскен жедел-тергеу тобы сол мезетте барды. Көзі шарасынан шыға жаздап, ашуға булыққан үй иесі 1969 жылғы Айсәуле есімді азаматша полиция қызметкерлерін көріп қуанып кетті.
Расында да, айналасы түрлі-түсті қаңылтыр қақпамен қоршалған, коттедждің барлық терезелеріне темір тордан қоршау мықтап дәнекерленіп бекітілген, екі қабатты үй екен. Үйдің іші де, сырты да заманауи жабдықталған, әр бөлме жарқырап тұр. Бөлмелерді шапшаңдатып аралап, ақша іздеген болса керек. Тартпалар мен суырмалары ашылып, киімдер мен жер төсеніштері, едендегі кілемдер жылжыған. Үй иесі Айсәуленің айтуынша, үйден 8 мың 500 Ресей рублі ұрланған. Пәтер ұрлығының ізін суытпай ұрының соңына түскен жедел уәкіл мен тергеуші үй сыртын айналып, кіріп-шыққан бағытын бажайлап жүр. Ал, кримналист осы тұспен жүруі мүмкін деген алғашқы аяқ киім іздері мен саусақ іздерін, терезе жақтауларын мұқият қарады. Алдыңғы тұстағы бір терезенің сыртқы темір қоршауын бұзып ашып, үйге кіргенін анықтаған да криминалист еді. Бұл күні басқарманың жедел криминалистикалық бөлімінің криминалисі полиция аға лейтенанты Мади Тастілеуов іздерді анықтау мақсатында кәсіби шеберлігі мен біліктілігін аямады. Екінші қабатқа көтерілгенде баспаның жақтауларын ұстағандағы алақан мен саусақ іздерін, терезе жақтауларына түскен саусақ іздерін, аяқ киім іздерін анықтады. Түн жарымында орын алған пәтер ұрлығы туралы бейнежазба жазылып, бірнеше айғақтар жинақталды.
Содан басқармадағы қызмет кабинетіне келген криминалист Мәди Тастілеуов іздерді өз саласы бойынша анықтап, зерделейді. Жарты сағат ішінде барлық іздерді базаға енгізген полиция қызметкері бұл саусақ пен алақан және аяқ киім іздерінің кімге тиесілі екенін тапты. Бұған дейін де, заң алдында жауапкерщілікке тартылған 1995 жылы туылған, Орал қаласының тумасы болып шықты. Күдікті деп танылған азаматты жедел уәкілдер түнімен іздеп, басқармаға жеткізіп, сұрақ-жауап алғанда пәтер тонағанын мойындады. Ұрлыққа қалай дайындықпен барғанын, үйде кісі болмайтын уақытты аңдып жүргенін, әдейі көз байланған уақытты күтіп, Жаңа Жыл қарсаңында туысқандарға қыдырып кеткен болар-ау деген жорамалмен баяу келіп, тонағанын баяндап берген. Бүгінгі күні Орал қаласының полиция басқармасы пәтер тонаған күдіктінің үстінен Қазақстан Республикасы қылмыстық кодексінің 188 бабының 2 бөлімі бойынша қылмыстық іс қозғады. Тергеу амалдары жүргізілуде.
Осылайша, Жаңа Жыл қарсаңындағы пәтер ұрлығы криминалист полиция аға лейтенанты Мәди Тастілеуовтің кәсіби шеберлігі мен шапшаңдығы арқасында жарты сағатта ашылды.
Гүламан Исмагулова, Орал қ.ПБ баспасөз қызметкері
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу