КіруҚала әкімі журналистермен кездесті
Бүгін, сәуірдің 4-і күні «Orta yura» коворкинг орталығында Орал қаласының әкімі Мұрат Бәйменов БАҚ өкілдерімен кездесіп, пресс конференцияда көптеген өзекті мәселелерге жауап берді.
Жиында шаһарды абаттандыру, көгалдандыру, ескі гаражды жою, ауыз су, жолаушылар көлігінің қатынасы, «Ақжайық» шағын ауданына қатынайтын көпірдің қашан салынатыны, заңсыз салынған көппәтерлі үйлердің мәселесі, тұрғындардың аулаларына бейнекамера орнату, «Самал» шағын ауданындағы көшелерді жөндеу, жолдағы шұңқырларды жөндеу, тынымбақтың сын көтермеуі сияқты сауалдар қойылды.
Бұл ретте шаһар басшысы М.Байменов: – Сіздер көтеріп отырған мәселелер үнемі біздің бақылауымызда. Ашығын айту керек,барлық шаруа бірден шешіле қоймайды. Өйткені біртіндеп, кезең – кезеңімен жүзеге асатын болады. Бұл орайда билік пен халықтың өзара сенімі,ортақ түсінігі бәрінен маңызды. Біз бір – бірімізді қолдай білсек, айтарлықтай нәтижеге қол жеткіземіз,- деген қала әкімі түйткілді сауалдарға нақты жауап берді.
Сондай – ақ кейбір мәселелер бойынша қала әкімінің орынбасарлары Ж.Дүйсенғалиев пен А.Халелов тұшымды жауап қайтарды.
«Жайық үні»
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
