КіруМәслихаттың қоғамдағы орны ерекше
Бүгін, облыстық мәслихаттың үлкен залында ҚР мәслихаттарының құрылғанына 30 жылдығына орай салтанатты жиын өтіп, БҚО әкімі Нариман Төреғалиев құттықтау сөз сөйледі.
– Құрметті депутаттар! Өздеріңіз білесіздер, биыл Қазақстанда жергілікті өкілді органдар -мәслихаттарының құрылғанына 30 жыл толып отыр.
Мәслихаттар – жергілікті өзін-өзі басқару жүйесіндегі негізгі институт.
Біліміне білігі сай депутаттар корпусын жасақтауға, алдымен ұсынған партиялар мүдделі болуы тиіс. Халықтың өмір сүру сапасын жақсарту жолындағы еңбектеріңізге жеміс тілеймін!-деген өңір басшысы барлық сала бойынша үлесін қосқан облыс депутаттарына Алғыс хат табыстады.
Бұдан соң Қазақстан мәслихаттары депутаттары бірлестігінің төрағасы Төлеубек Мұқашев жүрекжарды лебізін айтып, алғашқы шақырылымда хатшы болған Кенжебай Нығмет, Тұяқбай Рысбеков,Тұрарбек Тілемісов, Мұрат Жәкібаев, Әлжан Нұрғалиевке «Қазақстанның Құрметті депутаты» атағын табыстады. Бұдан бөлек ҚР Парламенті Мәжілісі Төрағасының және Қазақстан мәслихаттарының депутаттары бірлестігінің төрағасының Алғыс хатымен, грамотасымен көптеген депутаттар марапатталды.
Гүлжан АЯЗБАЕВА
Бұл туралы газеттің келесі санынан толығырақ оқисыздар.
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
