КіруЕкі-ақ шақырым қалыпты
Теректі ауданына жұмыс сапарымен Қазақстан Республикасы Парламенті Мәжілісінің депутаты Снежанна Имашева келді.
Снежанна Валерьевна «Барбастау – Ақжайық – Индер» тасжолының 43-93 шақырымы жұмысымен танысты. Осыдан бір ай бұрын Шағатай ауылының тұрғындарының үніне құлақ түріп, бір ай уақыт берді. Осы уақыт аралығында жолды сапалы аяқтап, ел игілігіне беруді тапсырды. Оған ең бірінші халық куә!
«Uniserv» жауапкершілігі шектеулі серіктестігінің басшысы, облыстық мәслихат депутаты Дінмұхамед Сәтбаев тұрғындарды сабырға шақырып, компания қызу жұмысқа кірестінін жеткізді.
Бүгінгі таңда жолдың мәреге жетуіне 2 шақырым қалған. Күндіз-түні жүйелі жұмысқа кірісіп, халық қалауын орындау үшін білек сыбана іске кіріскен олар өз түйткілдерін тілге тиек етті.
– Тұрғындардан тағы бір сұрарымыз – шыдамдылық. Біз еш уақытта жауапкершіліктен аттап өтпейміз. Жұртшылық тарапынан сенім қажет. Бізде де мәселе жетерлік. Құрылысқа қажет көліктерді жүргізушілер таптырмай отыр. Одан бөлек жұмысшылардың жоқтығы бар. Десе де, оған қарамастан жоспар бойынша жұмыстарды жүзеге асырудамыз,- деді Дінмұхаммед Қайратұлы.
Құрылысты тексеріп, жағдайды бақылауға алу үшін атбасын бұрған Снежанна Имашева тұрғындармен пікірлесіп, қазіргі таңда неге наразы болып жатқандарын сұрады.
Жиналған бір топ шағатайлық өз ұсыныстарын жеткізді. Оның ішінде жол мәселесін үнемі талқыға салып, мінсіз пайдалануға берілгенін қалайтын Гүлшат Керей бар. Сонымен қатар Бауыржан Айбеков те топ ішінен сурылып шығып, ел атынан сөйледі.
-Жолда жүру мүмкін емес. Өте шаңды. Екі көлік бір-бірін көрмей, соқтығысып қала жаздайды. Сондықтан осы маңда шаңды басып, су шашатын арнайы көліктер жүрсе, жақсы болар еді. Жолды уақытында аяқтаймыз, осы күзге дейін бітіреміз деп жатыр. Оған ризамыз. Бірақ ауа-райының күрт бұзылуы қалған аз шақырымды жүріп өтуге кедергі келтіреді. Жаңбыр жауса, көлік жүре алмай қалады. Сол үшін жолдың жанына қиыршық тастардың төселгені дұрыс. Көктем мен күз мезгіліндегі балшықтардан өтуге көмек болар еді,- деді ол өз сөзінде.
Қазақстан Республикасы Парламенті Мәжілісінің депутаты Снежанна Валерьевна:
– Басты мақсат – қазақстандықтар алдында партияның берген уәделерінің орындалу барысын көру және тексеру. Бағдарлама аясында нақты айтылған еді. Бүкіл аумақтар бойынша инфрақұрылымды күшейтеміз деген жоспар бар. Соның ішінде республикалық, облыстық, аудандық маңызы бар жолдарға көңіл бөліп, қайта жөндеп, сапасын жақсартамыз. Осы уәдеге сай болу мақсатында әр өңірде «Жол картасы» дайындалды. Партия тарапынан бақылаушы ретінде өз көзіммен көріп, түсініп отырғаным бұл жол биыл күзде аяқталады. Сәл шыдасақ, тақтайдай тегіс жол үстінде жүреміз,- деп, өз сөзін түйіндеді.
Сабыр сақтап, екі-ақ шақырым жұмыстың сәтті мәреге жетуін күте білсек, айымыз оңынан туары сөзсіз. Дүрлігуден аулақ болайық! Себебі билік тізгінін ұстағандар, жолға міндетті компания барын салып жатыр.
БҚО мәслихатының баспасөз қызметі
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
