КіруБҚАТУ-дың студенттік театры бар
Жәңгір хан атындағы Батыс Қазақстан аграрлық-техникалық университетінде «Ұшқын» студенттік театры өз жұмысын бастады.
Білім ордасындағы «Мәдениет және өнер» студиясының бастамасымен ашылған студенттік театр өзінің алғашқы премьерасымен университет сахнасына шықты. «Алғашқы махаббат» атты шағын қойылымның режиссері – Руслан Кенесарин.
Премьераны Х.Бөкеева атындағы облыстық қазақ драма театрының белді актерлары Самал Әбуов пен Эльмира Мақашева, Орал қалалық Жастар мәдениет сарайының әдіскері Мергүл Жақыпова, «Атамекен» өнер ордасының концерттік режиссеры Еркін Қали университет оқытушыларымен бірге тамашалады.
Ораз бен Әйгерім есімді кейіпкерлердің мектеп партасындағы бала махаббаттарының айналысында өрбитін туынды уақыты қысқа болғанымен,балалық шақтың тәтті шақтарын, оқушылық кезеңнің ұмытылмас сәттерін еске түсірді. Көрермен ризашылықпен қол соғып, өнер иелері өз бағаларын берді.
Қойылым соңында университеттің тәрбие және әлеуметтік жұмыстар жөніндегі проректоры Ақылбек Сұлтанов пен кеш қонақтары сөз алып, жас театр ұжымына сәттілік тіледі. Өзге меймандар да студенттік театрдың ашылуына қолдау көрсеткен университет басшылығына алғыстарын білдіріп, «ұшқындықтардың» үлкен сахналардан көрінуіне тілеулестік танытты.
Ләззат ҚАЖЫМОВА,
БҚАТУ медиа орталығының директоры
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
