Кіру«Бекіре-2024» басталды
Сәуірдің 1-інен мамыр айының 31-не дейінгі аралықта облыс аумағында балық пен олардың өнімдерінің заңсыз айналымы фактілерінің алдын алуға және жолын кесуге бағытталған «Бекіре-2024» республикалық жедел-профилактикалық іс-шарасы өтті.
Алғашқы он күнінде 1,5 тоннадан астам балық тәркіленді. Мәселен, 5 сәуір күні БҚО ПД табиғатты қорғау полициясының қызметкерлері «Орал–Атырау» тас жолында «ВАЗ-2111» маркалы автомашинаны тоқтатты, оның салонында ұсақ тұқымды балық салынған 9 қап және 1 пакет табылып, тәркіленді. Тәркіленген балықтың жалпы салмағы 234 кг құрап отыр. Соның ішінде «шортан» – 144 кг, «мөңке» – 46 кг, «сазан» – 44 кг.
Сондай-ақ, сәуірдің 6 күні Шапай ауылына жақын «Атырау-Орал» тас жолында «Митсубисси Делика» маркалы автокөлігі тоқтатылды. Автокөлікті тексеру барысында тиісті құжаттары жоқ 204 келі ұсақ тұқымдас балық табылып, тәркіленді.
Сонымен қатар, ағымдағы жылдың 7 сәуірінде Көшім ауылының маңындағы «Орал-Атырау» автожолында полиция қызметкерлері «Фольксваген Шаран» автомашинасын тоқтатты. Автокөліктен 206 келі балық тәркіленді. Орал қаласының тұрғыны Жаңақала ауданы Қошпан ауылындағы Көшім өзенінде балық аулаумен айналысқаны белгілі болды. Автокөліктен резеңке қайық пен балық аулау торлары да тәркіленді.
БҚО ПД баспасөз қызметі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
