КіруАзаматтық танытқан учаскелік полиция инспекторы
4 сәуірде «Вымпель» саяжай қоғамының бір тұрғынын Шаған полиция бөлімінің қызметкерлері көктемгі су тасқынының құрсауынан құтқарды.
Бұл азамат дәл осы күні қас пен көздің арасында саяжайдағы үйінің бел ортасынан аса тасқын су жиналып, үйдің шатырына әупірімдеп көтерілгенін айтып, саяжай төрағасына хабарласады.
Бүкіл шақыртуларға лезде келіп, қоғамдық қауіпсіздікте күндіз-түні қызметте жүретін полиция қызметкерлеріне телефон шалған саяжай төрағасы өзінің аймағына жауапты Шаған полиция бөлімі Жергілікті полиция қызметі бөлімшесінің #21 учаскелік полиция пункітінің аға учаскелік полиция инспекторы полиция капитаны Утепов Дидарға үйі су астында қалған саяжай тұрғыны туралы оқиғаны баяндайды.
Д.Утепов төтенше жағдай бойынша басшылыққа баяндап, оқиға орнына аттанады. Ал, полиция қызметкерлері өз кезегінде қалалық төтенше жағдайлар бөліміне де дереу мәлімет жібереді.
Саяжай иесінің айтуы бойынша белден жоғары су ортасында қалған мекен-жайға барған Шағандық сақшылар үйдің су ортасында қалғанын, жеке мүліктердің су бетінде қалғанын көреді. Әуелі азаматты үй шатырынан түсіріп, қайыққа отырғызып, жағалауға шығарды. Одан әрі құтқарылған азаматты тәртіп сақшылары Деркул ауылындағы уақытша тұрағы жоқ, үй- жайсыз қалған тұрғындарға арналған эвакуациялау пункітіне жеткізіп, қауіпсіз аймаққа орналастырды.
Қала тұрғыны Шаған полиция бөлімінің қызметкерлеріне, қалалық төтенше жағдайлар бөлімінің құтқарушыларына алғысын жеткізіп, қауырт жұмыстарына сәттілік тіледі.
Анықталғанындай, азамат екі күн бойы саяжайда болған. Кейін оның телефонының қуаты таусылып, ал, жұбайы дабыл қағады. Абырой болғанда, бәрі сәтті аяқталады. Ер адам қауіпсіз аймаққа жеткізілді.
БҚО ПД баспасөз қызметі Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
