КіруӘскерге баратындарға қатысты мәселе талқыланды
Бүгін, сәуір айының 10-ы күні облыстық әкімдіктің «Ықсанов» залында облыс әкімі Нариман Төреғалиевтың төрағалығымен аппараттық кеңестің отырысы өтті.
Күн тәртібіндегі бірінші мәселе бойынша облыстық Қорғаныс істері жөніндегі департаменті бастығының міндетін атқарушы Альберт Бекмұханов әскерге барудан қашып, жалтарып жүрген азаматтарға қатысты хабарламасын мәлім етті. Әскерге шақырылғандар, шеттетілгендер, жалтарып жүргендер бойынша статистикалық деректер келтірілді. – Қордаланған мәселенің негізгі себебі – әскерге шақырылушылардың тұрақты мекенжайларының болмауы. Көпшілігі қалада жұмыс жасайды. Тұрақты тіркелген жері болмағандықтан, борышын өтеуден жалтарып жүргендерді іздестіру және табу жұмыстары қиыншылық туғызуда, – деп Альберт Бекмұханов атап өтті.
Кеңестің күн тәртібіндегі екінші мәселесі бойынша облыстық жұмыспен қамтуды үйлестіру және әлеуметтік бағдарламалар басқармасының басшысының міндетін атқарушы Исатай Мыңбаевтың мәлімдеуінше, ағымдағы жылы «2021-2025 жылдарға арналған кәсіпкерлікті дамыту» туралы Ұлттық жоба аясында адамдарды жұмыспен қамтудың белсенді шараларына тарту жоспарланып, бірінші сәуірге дейін 7010 адам әр түрлі бағыттар бойынша өтініш берді.
Жиын соңында облыс әкімі Нариман Төреғалиев күн тәртібіндегі қаралған мәселелерге қатысты айтылған сындардан жауапты мамандар нәтиже шығатындай жұмыстар жүргізіп, үнемі бақылауда ұстауларын тапсырды.
Гүлжан АЯЗБАЕВА
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу