Кіру5 қабаттан секірмек болған
3 сәуірде Орал қ.ПБ Жергілікті полиция қызметі бөлімі Патрульдік полиция батальонының екі инспекторы өз-өзіне қол жұмсамақ болған әйелді құтқарып қалды.
Өздеріне бекітілген әкімшілік аймағын тексеріп жүрген Патрульдік полиция батальоны 520 экипажының қызмет инспекторлары Руслан Мұқсанов пен Райымбек Қабылов кешкі сағат 20:15 шамасында «Зачаганск» ықшам ауданы, №25 Чапаев дивизиясы көшесіндегі 9 қабатты бір үйдің тұсынан өтіп бара жатып, көпшілік тұрғындардың жиналып тұрғанын көреді. Полиция қызметкерлері бір мезетте жоғары тұстағы балконның шетінде ілініп тұрған әйел адамды көздері шалады. Сақшылар шұғыл қызметтерге, Шаған полиция бөліміне хабарласып, дереу ақпарат береді.
Екі инспектор тез арада пәтерге кіріп, әйел адамның тілін тауып, сөйлесіп балкон сыртында ілініп тұрған жерінен ішке еппен кіргізеді. Дәл қазір әйел дін аман. Отбасындағы жағдайларға байланысты осындай қадамға барған екен.
– Біз балконның сыртқы қапталында құлағалы тұрған әйелді көргенде еш ойланбастан құтқарып қалуға ұмтылдық. Шошытып алмайық деп бір-бірлеп подьезге кірдік. Сосын зулап 9 қабатқа көтерілдік. Жоғарыдан төменге қарап тұрған әйелді жылы сөйлеп ішке шақырып, қолтығынан демеп, терезеден кіргіздік. Қорқыныш пен үрейді білмедік. Мақсатымыз – жерге аман түсіріп алу ғана болды. Жас адам, өмірі әлі алда ғой,- дейді түнгі ауысымдағы қызметін сәтті тапсырған полиция аға лейтенанты Руслан Мұксанов пен полиция лейтенанты Райымбек Қабылов. Аталған факт бойынша ҚР ҚК 105 бабы бойынша сотқа дейнгі тергеу басталды.
БҚО ПД Баспасөз қызметі
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу