Кіру8 Наурыз мерекесімен құттықтады
8 Наурыз – Халықаралық әйелдер мерекесі қарсаңында қала әкімі Миржан Сатқанов әр түрлі саладағы еңбек ардагерлері мен еңбек етіп жүрген қыз-келіншектерді көктем мейрамымен құттықтады.
– Әйел, ана ұғымы – өмірдің өзегі, тіршіліктің күретамыры, ыстық ықылас пен қайнары. Сіздердің арқаларыңызда отбасы ұғымы, мызғымас құндылық болып қала береді. Үй шаруасы мен кәсіби қызметті үйлестіре отырып, әлемді мейірімді ететін – өздеріңіз. Жүздері күннің шуағындай жылы, тұла бойына сұлулықпен қатар іскерлік тұнған өзіңіздей жандар бүгінде түрлі салада жемісті еңбек етіп, сүйікті шаһарымыз Орал қаласының дамуына өзіндік үлестерін қосуда. Сіздерді төл мерекеңізбен құттықтай отырып, мықты денсаулық, отбасыңызда ырыс, баянды бақыт және сүйіспеншілік шуағын тілеймін, – деп шарада құттықтау сөз сөйлеген қала әкімі Миржан Мұнайдарұлы жүрекжарды тілегін арнады.
Бұдан кейін Орал қаласының құрметті азаматы Роза Лукьянова, жұбантанушы, білім саласының еңбек ардагері Үзілдік Елеубаева, еңбек ардагері Людмила Иванова, көпбейінді аурухананың акушеркасы Лунара Ерғалиева, спортшы Мария Сергеевна, «Алтын алқа» алқасының иегері, көпбалалы ана Астра Ғабдешова, №26 ЖОББМ-нің бастауыш сыныптағы қазақ тілі мұғалімі Ирина Суетина, дәстүрмейкер, блогер, кәсіпкер Арна Досполаева құттықтауларын жеткізді. Жиын соңында көркемөнерпаздар әннен шашу шашып, қатысушылардың көңілдерін серпілтті.
Гүлжан АЯЗБАЕВА
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу