КіруҚоғамдық көліктерді тексерді
Бүгін таңертең, жұмыс уақытына дейін қала әкімі Абат Шыныбеков Оралдағы бірнеше қоғамдық көліктерге отырып, жолаушы тасымалдау қызметінің сапасын тексеру жұмыстарын бақылады.
Айта кетейік, тұрғындар тарапынан №2, 5, 6, 7, 33 маршруттарға шағымдар жиі түседі. Шаһар басшысы алдымен осы аталған маршруттардың қызметін қадағалады. Жолаушы тасымалдайтын автобустардың санитарлық тазалығы сын көтермейді. Автобустарда әр аялдаманы хабарлау, жүргізушілердің көлікті айдау мәдениетінде олқылықтар көп. Тұрғындар тарапынан былтыр енгізілген жолақысын төлеудің электронды жүйесінің жұмысына қатысты сын-ескертпелер жиіледі. Шаһар басшысы маршруттарды тексеру барысында кейбір автобустарда QR-кодтың болмауы, планшеттердің дұрыс жасамауы сияқты кемшіліктерді анықтады. Қызмет көрсетуші «Smart Qala» ЖШС-ның электрондық жүйе туралы тұрғындар арасында хабарландырулар мен жарнамаларды тиісті деңгейде жүргізбейтінін атап өтті. Бұл жағдайлардың барлығы жолаушы тасымалдау сервисінің төмендеуіне, тиісінше тұрғындар тарапынан шағымдардың көбеюіне әкелуде.
Былтыр қалалық жолаушы тасымалдаушы кәсіпорындарға 2 миллиардтан астам субсидия төленді. Биыл аталған кәсіпорындарға 414 миллион субсидия берілді, алдағы мәслихат сессияларында тағы да қосымша қаражат қарастырылу жоспарлануда. Осы берілген субсидиялар тарапынан жолаушы тасымалдаушы кәсіпорындар қызмет сапасын жақсарту бағытында жұмыстар атқаруы қажет.
Қоғамдық көліктердегі мұндай рейдтік жұмыстар алдағы уақытта жалғасын табады.
Өз тілшіміз
«Жайық Үні»
Версия для печати
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу