Кіру«7-20-25»: ОРАЛДА 253 ПӘТЕР БЕРІЛЕДІ
«7-20-25» әр отбасына баспана алудың жаңа мүмкіндігі» бағдарламасы аясында Орал қаласында жыл соңына дейін 253 пәтер беріледі. Бүгін облыстық құрылыс басқармасының басшысы Алтынбек Қайсағалиев аталмыш бағдарламаның өңірде жүзеге асырылуы туралы мәлім етті.
– «Президенттің бес әлеуметтік бастамасы» бойынша қабылданған «7-20-25» бағдарламасында баспана алудың тиімді жолдары көрсетілген. Бағдарлама қабылданған қыркүйек айынан бері екінші деңгейлі банктер 108 азаматтың өтінішін мақұлдап, 900 миллион теңге несие берді. Жыл соңына дейін 253 пәтер тапсырылады. Ал келер жылы қазір құрылысы жүріп жатқан 7-8 нысан тапсырылып, 1000 пәтер осы бағдарлама аясында берілетін болады, – дейді Алтынбек Қайсағалиев.
Осы аптаның соңында «Орал Полимер» құрылыс компаниясы «Жеңіс» шағынауданындағы 6 қабатты тұрғын үйдің құрылыс жұмыстарын аяқтайды. Мұнда 216 пәтер бар. Жобаға сәйкес пәтерлердің сыртқы есігі салынып, сыртқы терезелері әйнектеледі. Қабырғаларына сылақ жүргізіледі. Пәтер иесі құжаттарын рәсімдеген соң, ішкі құрылысын әрлеп, өз қалауларынша өзгертулеріне болады. Пәтердің бір шаршы метрі – 170 мың теңгеден есептеледі. Серіктестік заңгері Самат Жортабев осы аптаның соңынан бастап азаматтардың пәтерлерді таңдауына мүмкіндік жасалатынын жеткізді. Өтініш иелерінің мемлекеттік бағдарлама талаптарына сәйкес баспананы алу мүмкіндіктерін қарастыруына құқығы бар. Бірақ, бірінші кезекте «7-20-25» бағдарламасы бойынша құжат тапсыруға басымдық беріледі. Пәтерлерді таңдау үшін «Орал Полимер» ЖШС кеңсесі орналасқан С.Тюленин көшесі 47/1 мекенжайы 209 бөлмеге жолығу қажет.
Елмұра АСХАТҚЫЗЫ
Версия для печатиСоңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу