КіруСАНИТАРЛЫҚ ТАЗАЛЫҚ АЙЛЫҒЫ ЖАРИЯЛАНДЫ
Орал қаласында 9 сәуірден бастап 21 мамырға дейін санитарлық-экологиялық тазалық айлығы жарияланды.
Санитарлық-экологиялық айлық аясында қала аумағында алты рет сенбілік ұйымдастырылады. Бұл туралы қала әкімінің орынбасары Мирас Мүлкәй мәлімдеді.
— Алғашқы сенбілік кезінде қыс мезгілінен кейінгі қала аумағын жаппай тазалау, шағын және орта бизнес объектілерінің және автомобиль жолдарының іргелес аумақтарын жинау сияқты жұмыстар жүргізіледі. Одан кейінгі сенбіліктерде аталған жұмыстармен қатар шағын және орта бизнес нысандарының қасбеттерін ақтау, сырлау және көшеттер отырғызу ұйымдастырылады. Сонымен қатар тазалық айлығы барысында Жайық, Шаған, Деркөл өзендерінің жағалауларын жинау шаралары оздырылады, — дейді қала әкімінің орынбасары. Оның айтуынша, санитарлық-экологиялық айлық кезеңінде абаттандыру ережелерінің сақталуы қатаң бақылауға алынады. Қалалық тұрғын үй-коммуналдық шаруашылығы, жолаушы көлігі және автомобиль жолдары бөлімінің мониторинг тобы жергілікті полиция қызметімен бірлесіп барлық нысандарға іргелес аумақтарын тазалау, қасбеттерін қалыпқа келтіру, әктеу-сырлау сияқты талаптардың орындалуын қадағалайды. Абаттандыру ережелерін сақтамаған нысан иелеріне ҚР Әкімшілік құқық бұзушылық кодексіне сәйкес, тиісті айыппұлдар салынады. М.Мүлкәй барлық қала тұрғындарын, еңбек ұжымдарын, жастар ұйымдары мен студенттерді, бизнес қауымдастықты сенбіліктерге белсенді қатысуға шақырды.
Қалалық тұрғын үй-коммуналдық шаруашылығы, жолаушы көлігі және автомобиль жолдары бөлімінің басшысы Жандос Дүйсенғалиев айтуынша, қала тұрғындарының сенбіліктерге қатысты кез-келген сұрақтары туындаса 109 немесе тиісті бөлімнің 51-01-14 байланыс нөмірлеріне хабарласуға болады.
—Тұрғындар сенбіліктер кезінде жиналған күл-қоқыс пакеттерін жол жиегіне жинап, жоғарыда атап өткен байланыс нөмірлері арқылы хабарлама беруіңізді сұраймыз. Жауапты коммуналдық мекемелер қаланы айналып, жол жиегіндегі күл-қоқыстарды алып кетеді. Сенбіліктер кезінде 2 полигон ашық болады. Орал—Саратов бағытындағы тас жолдың бойындағы полигон — қатты тұрмыстық қалдықтарды, Асан ауылы жақтағы полигон ірі көлемді қалдықтарды қабылдайды. Екі полигон да тазалық айлығы барысында сенбі және жексенбі күндері күл-қоқыстарды тегін қабылдайды, — деді Ж.Дүйсенғалиев.
Өз тілшіміз
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу