КіруБҚАТУ СТУДЕНТТЕРІ ДЕПУТАТТАРМЕН КЕЗДЕСТІ
Бүгін Жәңгір хан атындағы Батыс Қазақстан аграрлық-техникалық университетіне ҚР Парламент Мәжілісінің депутаттары Снежанна Имашева мен Аветик Амирханян келді. Депутаттар белсенді студенттермен кездесіп, еркін форматта пікірлесті.
Облысымызға жұмыс сапарымен келіп, жоғары оқу орнына арнайы ат басын бұрған Мәжілісмендер алдымен Жәңгір хан университетінің басқарма төрағасы-ректор Асқар Наметовтің қабылдауында болды.
Оқу орнының коворкинг-орталығында ұйымдастырылған кездесуді тәрбие және әлеуметтік жұмыстар жөніндегі проректор Ақылбек Сұлтанов жүргізді. Мәжіліске Қазақстан халқы Ассамблеясынан сайланған депутат Аветик Амирханян: – Мен Жәңгір хан университетімен бұрыннан жақсы таныспын. Бұл – еліміздегі іргелі оқу орындарының бірі. Сіздердің көптеген студенттеріңіз біздің Оралдағы құрылыс компаниясында тәжірибеден өтті. Сондықтан бүгін сіздермен кездесіп отырғаныма қуаныштымын. Ел болашағына сіздердің де қосар үлестеріңіз зор. Отыз жылдық тарихы бар тәуелсіз Қазақстан көптеген жетістіктерге жетті. Өмір бір орында тұрмайды, алдағы уақытта да жақсы өзгерістер болады, – деп, әңгімені елдегі бүгінгі ахуалдан бастады. Мәжіліс депутаты жыл басында орын алған «Қаңтар оқиғасы», оның елімізге тигізген зардабы туралы айтып өтіп, жастарды осындай ел ішіне іріткі салатын қақтығыстардан сақ болуға, теріс пиғылды арандатушылардың арбауына түспеуге шақырды. Өздерінің жұмыс сапарларының мақсатынан да хабардар етті.
Жастармен жүздесу, олардың ой-пікірін білу маңызды екенін жеткізген жерлесіміз Снежанна Имашева «Жаңа Қазақстанды» құратын жас буыннан үлкен үміт күтетінін айтты. «Жоғары білімді, көзі ашық, көкірегі ояу адам өз Отанына ешқашан қастық ойламайды. Солардың бірі – сіздер секілді білімді, талапты жастар» деді депутат.
Университеттің белсенді білім алушыларының атынан сөз алған студенттік ректор Омархан Нияз өздерімен кездесуге келген мәжілісмендерге алғыс білдірді. Бұдан әрі студенттер меймандарға сауалдарын жолдады. Олар «Қазақстан халқына» қорын құрудағы мақсат-міндеттер, еліміздегі мемлекеттік жастар саясатының жүзеге асырылуы, байланыс операторларының тарифтері мен азық-түлік бағасының тұрақсыздығы, студенттер шәкіртақысының мамандықтарға байланысты әр түрлі мөлшерде төленуі сынды мәселелер төңірегінде ой-пікірлерін жеткізді.
БҚАТУ медиа-орталығы
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу