КіруБОКС: ОРАЛДА ЕРЛЕР АРАСЫНДА ҚАЗАҚСТАН ЧЕМПИОНАТЫ МӘРЕГЕ ЖЕТТІ
Теннис орталығында бокстан ерлер арасында Қазақстан чемпионаты мәреге жетіп, барлық салмақ дәрежелері бойынша үздік шыққандар анықталды.
Соңғы бәсекелер барынша тартысты өтті.
Ақмола облысының өкілі Оразбек Асылқұлов 57 кг салмақта қостанайлық Айдос Араповты 3:2 есебімен ұтып, чемпион атанды.
60 кг салмақта қарағандылық Василий Самчук шығысқазақстандық Әділет Құрметовтен айласын асырды.
Ал 63,5 кг салмақта алматылық Ділмұрат Міжітовтің мерейі үстем болды. Ол тартысты жекпе-жекте шымкенттік Абзал Серікті жеңді – 3:2.
Осы екі салмақта биылғы әлем чемпионатына қатысқан маңғыстаулықтар Саматәлі мен Санатәлі Төлтаевтар жартылай финалдан аса алмай, қола жүлдені қанағат тұтты.
67 кг салмақта жамбылдық Дулат Бекбауов Алматы облысынан келген Дархан Дүйсебайдан басым екендігін көрсетті – 5:0.
71 кг салмақта шығысқазақстандық Ермахан Жакпековтің бағы жанды. Ол финалда павлодарлық Қуан Қуатовты қапы қалдырды – 4:1.
75 кг салмақта биылғы әлем чемпионатында ел намысын қорғаған атыраулық Нұрқанат Райыс қатты қарсылық көрсеткен павлодарлық Аятулла Тәкіжановты жеңді – 3:2.
80 кг салмақта 2021 жылғы әлем біріншілігінде бақ сынаған елордалық Нұрбек Оралбай ақтөбелік Жәнібек Қартбаевтың осал жерін тапты – 5:0.
86 кг салмақта түркістандық Сағындық Тоғамбай алматылық Мәди Әміровті бәсеке соңында нокдаунға жіберді – 5:0.
92 кг салмақта тағы бір елордалық, биылғы әлем біріншілігінде рингке шыққан Айбек Оралбай мен әскерилер арасында әлем чемпионы, түркістандық Абзал Құттыбеков қолғап түйістірді. Жеңіс А.Оралбайға берілді – 4:1.
Аса ауыр салмақта 2021 жылғы әлем чемпионатына қатысушы, түркістандық Нұрлан Сапарбай мен атыраулық, 19 жастағы Аманат Сабырғали соңғы бәсекеге шықты. Мұнда Н.Сапарбайдың мерейі үстем болды – 5:0.
Осылайша Оралда ерлер арасында ел чемпионаты аяқталды. Биылғы біріншілікте бірқатар жастар да жарқырай көрінді. Әсіресе, 48 кг салмақта топ жарған 18 жастағы Санжар Тәшкенбайды ерекше атауға болады.
Соңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу