Кіру«07 АЙМАҚ» – «ПАРАСАТТЫ ПОЛИЦЕЙ» ЖЕҢІМПАЗЫ
Қыркүйек айында Қазақстан Республикасының Ішкі істер министрлігінде Тәуелсіздіктің 30 жылдығын, сондай-ақ Қазақстан халқы тілдері күнін мерекелеу, ішкі істер органдары қызметкерлерінің арасында мемлекеттік тілді кеңінен насихаттау мақсатында дәстүрлі «Парасатты полицей» республикалық байқауы оздырылды.
Бұл іс-шараның негізгі мақсаты – полиция қызметкерлері арасында мемлекеттік тілдің мәртебесі мен маңызын арттыру, қолданысын кеңейту, мемлекеттік тілге, еліне, Отанына деген құрметін арттыру, тілдік ортаны қалыптастыру және тіл мәдениетін арттыру.
Сөз құдіретіне арналған осынау байқауда 17 команда сынға түсіп, қазылар алқасының шешімімен Батыс Қазақстан облыстық Полиция департаментінің қызметкерлері қатарынан құралған «07 аймақ» командасы топ жарып, бірінші орынға ие болды. Байқауға қатысушы командалар екі турдан тұратын сынақтан өтіп, жүйріктерді анықтады.
Бірінші тур – «Адал қызмет – басты міндет» деп аталатын таныстыру сайысында командалар полицияда қызмет етудің мәртебесін, жұмыстарының ерекшеліктерін және қызметте қазақ тілін қолданудағы жетістіктерін ерекшелей отырып өздерін таныстырады. Командалар Қазақстан Республикасы Тәуелсіздігінің 30 жылдығын мерекелеуге орай елдегі қауіпсіздікке қосқан үлестерін және «Жұртқа жақын полиция» қағидатына сәйкес қиын да қызықты бір күнгі қызметтерін вайн түсірілімі арқылы көрсетті.
Екінші «Өнертаным» – өнер көрсету кезеңінде 07 аймақ командасының мүшелері Жолбаев Парасат пен Габбасов Омардың орындауындағы жергілікті авторлардың туындысы Естай Рашқалиевтің сөзіне жазылған Қуаныш Кисметовтің «Тәуелсіздік таңы» патриоттық әніне бейнебаян түсірілді.
Айта кетелік, сөз құдіретіне арналған маңызы зор облыс көлемінде ұйымдастырылған биылғы байқауда да біздің әріптестеріміз топ жарып, бірінші орынды иеленген еді. Енді, міне республикалық жарыста да сүрінбей, тағы да жүлдегер атанып отыр.
Иә, тілді өркендету – баршаның ісі. Тіл – тек қарым-қатынас құралы емес, ұлтымыздың биік тұғыры. Бүгінгі күні ішкі істер органдары басшылығының тілге деген жанашырлығы басым, ал қояр талабы қатаң.
Батыс Қазақстан облысы Полиция департаментінде іс жүргізу 2005 жылдың 1 қаңтарынан бастап мемлекеттік тілге көшірілген. Сол уақыттан бері департаменттің ішкі бұйрықтары, кеңес шешімдері мемлекеттік тілде дайындалып, қабылдануда. Хат-хабарларды қабылдап-жөнелтумен айналысатын бөліністерге құжаттарды мемлекеттік тілде ғана тіркеуге қабылдау жөнінде нұсқау берілді. Қазіргі уақытта бұл талап бұлжытпай орындалуда. Құжат айналымының үлес салмағына тоқталсақ, кіріс құжаттарының 93 пайызы, шығыс құжаттарының 99 пайызы мемлекеттік тілде. Бұл жақсы көрсеткіш.
Департамент бастығы полиция генерал-майоры Аблазимов Махсудхан Нұғманұлы тікелей өзі іс қағаздарының мемлекеттік тілде сауатты дайындалуына қатаң бақылау жасап, «Қазтест» жүйесі бойынша курстар ұйымдастыру, қызметтік кеңестер мен отырыстарды, барлық мәдени шараларды мемлекеттік тілде ғана жүргізу, қызметкерлердің мемлекеттік тілді үйренуіне баса назар аударып, оларға қатаң талап қою сияқты міндеттерді жүктеді. Нақты тапсырма берілді, қатаң талап қойылды, ендігі міндет – орындау ғана.
БҚО ПД ішкі және сыртқы коммуникациялар бөлімі
Соңғы жаңалықтар
«Elge qyzmet: жауапкершілік пен мүмкіндік» тақырыбында жастармен кездесу өтті
Мемлекеттік қызметтер: жүйелі мәселелерді шешу және сапаны арттыру
Еліміздің батысында көпсатылы командалық-штабтық оқу-жаттығу басталды
2028 жылғы шілдеге дейін еліміздегі 2,6 мыңнан астам шағын жинақты ауыл мектебі жасанды интеллект енгізу жобасымен қамтылады
Спорт саласында сыбайлас жемқорлық тәуекелдерінің алдын алу мәселелері талқыланды
Оралда Қорғаныс министрлігінің патриоттық акциясына 2 мыңға жуық адам қатысты
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Пікір үстеу