КіруРУХАНИ ДАМУ ЖӘНЕ ЫНТЫМАҚТАСТЫҚ МАҚСАТЫНДАҒЫ МЕМОРАНДУМ ЖАСАЛДЫ
БҚО-ның камералық оркестрі Қазақстан Республикасы Мәдениет және спорт министрлігінің Құрманғазы атындағы Қазақ мемлекеттік Ұлттық халық аспаптары оркестрімен және Жамбыл атындағы Қазақ мемлекеттік филармониясымен ынтымақтастық туралы меморандум жасасты.
Бүгін Батыс Қазақстан облыстық камералық оркестрі сонау 1934 жылы академик Ахмет Жұбановтың бастамасымен құрылған өнер ұжымы, бүгіндері тәуелсіз мемлекетіміздің інжу-маржанына айналған Құрманғазы атындағы Қазақ мемлекеттік ұлттық халық аспаптары оркестрімен өзара ынтымақтастық туралы меморандумға қол қойды. Сондай-ақ Батыс Қазақстан облыстық камералық оркестрі көп жылдық тарихы бар сонау 1935 жылы құрылған Жамбыл атындағы Қазақ мемлекеттік филармониясымен өзара ынтымақтастық туралы меморандум жасады.
Филармонияның тұңғыш директоры және көркемдік жетекшісі болып аса көрнекті музыкатанушы ғалым, композитор, дирижер, Қазақстанның Халық әртісі, академик Ахмет Қуанұлы Жұбанов қызмет атқарды. Сонымен қатар қара шаңырақ болып атанған филармонияның алғашқы құрамында қазақ өнерінде аты аңызға айналған атақты күйшілер Дина Нұрпейісова, Қали Жантілеуов, Оқап Кабиғожин, әншілер Әміре Қашаубаев, Жамал Омарова, Ғарифолла Құрманғалиев, Күләш Бәйсейітова, Бибігүл Төлегенова, ағайынды Ришад және Мүслім Абдуллиндер сынды біртуар жарық жұлдыздары жиналып, қазақтың музыка өнерін шыңдады. Ортақ ниетке тоғысқан қос өнер ұжымы мәдениет және өнер саласындағы рухани даму және ынтымақтастық мақсатын көздейді.
Аталған құжат аясында тараптар мәдени маңызды іс-шараларды дайындау және іске асыру кезінде өзара көмек көрсетуге, орындаушылар мен шығармашылық ұжымдар өзара тәжірибе алмасуға, сондай-ақ музыкалық алаңды ұсыну бойынша бір-біріне қолдау көрсетуге ниетті.
Айта кетейік, БҚО камералық оркестрінің директоры Салтанат Абулғазиева 11 маусым күні елордасы Нұр-Сұлтан қаласында Нұр-Сұлтан қаласы әкімдігінің «Мемлекеттік академиялық филармониясымен» Батыс Қазақстан облыстық камералық оркестрі өзара ынтымақтастық туралы меморандумға қол қойды. Алдағы уақытта тағы бірнеше өнер ұжымымен ынтымақтастық орнататындарын жеткізді. Биыл құрылғанына 10 жыл болған оркестр мерейлі датаға орай өзара серіктестік қарым-қатынас орнатқан қалалар мен елді мекендер сахнасында болашақта өнер көрсетпек.
zhaikuni.kz
Соңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Пікір үстеу