КіруОРАЛ ҚАЛАСЫ ӘКІМІ ПОЛИЦЕЙЛЕРДІ ҚҰТТЫҚТАДЫ
23 маусым – Қазақстан полициясы күніне орай қала әкімі Абат Шыныбеков елдің тыныштығы мен қоғам қауіпсіздігін сақтауда аянбай еңбек етіп жүрген жауапты мамандық иелерін құттықтады. Алдымен қызметтік міндеттерін атқару жолында қаза болған облыстық ішкі істер органы қызметкерлерінің рухына тағзым жасалып, гүл шоқтары қойылды. Салтанатты шарада қызметтерінде жақсы көрсеткіштерге қол жеткізген полицейлер марапатталды.
Мерекеге орай Орал қаласы патрульдік полиция батальоны алаңында өткен жиында қалалық Полиция басқармасының жеке құрамы сап түзеді. Қала басшысы Абат Шыныбеков ҚР Тәуелсіздігінің 30 жылдығымен және кәсіби мерекемен құттықтап, азаматтарымыздың қауіпсіздігі мен бостандығын, қоғамдағы тіршіліктің жайлылығын қамтамасыз етуде қызмет атқарып жүрген полиция қызметкерлерінің еңбегі өлшеусіз екенін атады.
– Отанымыздың алдында абыроймен қызмет атқаруға ант етіп, анттарыңызға берік болуға уәде бердіңіздер. Сол анттарыңызды селт етпей орындауда жанқиярлықпен қызмет етіп келесіздер. Адамзаттың сақшысы ретінде полиция қызметкері қай кезеңде де ерекше құрметке ие. Әр азамат полицейлерге ерекше сенім артады. Бүгінде қаланың тыныштығын қамтамасыз етуде 24 полиция пункті мен 800-ден астам полиция қызметкері күн-түні міндеттерін атқарып жүр. Полицейлерімізге пандемияға байланысты қосымша жүктемелер де артылды. Оны да жауапкершілікпен атқарудасыздар. Мерекеге орай, дендеріңізге саулық, отбасыларыңызға амандық, бейбіт өмірдің тыныштығын сақтау жолындағы қызметтеріңізге сәттілік тілеймін, – деді Абат Абайұлы. Сондай-ақ ҚР Тәуелсіздігінің 30 жылдығына және Қазақстан полициясы күніне орай үздіктерді марапаттады. «Үздік криминалист», «Үздік анықтаушы», «Үздік тергеуші» және басқа да сала үздіктеріне марапаттар мен сыйлықтар ұсынылды. Қызметтік міндеттерін атқару кезінде қаза болған қызметкерлердің жұбайларына, сала ардагерлеріне құрмет көрсетілді.
Қалалық полиция басқармасы бастығы, полиция подполковнигі Нұрлан Бисенов Қазақстан полциясында өз ісіне шын берілген, кәсіби біліктілігі жоғары мамандар жұмыс жасайтынын атап өтті. Тәуелсіздік жылдарында ішкі істер органының мыңнан астам қызметкері қызметтік міндеттерін атқарудағы ерліктері, абыройлы еңбектері үшін мемлекеттік наградаларға ие болды. Мемлекет басшысы Қазақстан полициясына азаматтардың заңдық мүдделерін, құқықтарын әділетті қорғауды тапсырды. Бүгінде қала, елдімекен көшелеріндегі тыныштықтың сақталуы ішкі істер органы қызметкерлерінің жұмысына байланысты. Қылмыспен, заңның бұзылуымен күрес жүргізуде қатаңдық қажет. Басқарма бастығының айтуынша, кейінгі жылдары қала аумағында қылмыс көрсеткіштері азайған. Қылмыстардың ашылу деңгейі жоғары.
– Қалалық әкімдіктің қолдау көрсетуімен бүгінде шаһарымыздағы адамдар көп жиналатын алаңдарда, әлеуметтік нысандар мен көңіл көтеру орындарында жалпы 452 бейне бақылау жүйесі бар. Олар нақты уақыттағы жедел жағдайды бақылауға мүмкіндік береді. 5 модульдік полиция бекеті орнатылды. Осындай жұмыстар бізді әлі де белсенді, мақсатты жұмыс жасауға міндеттейді, – деді Нұрлан Бисенов.
Салтанатты шара жеке құрамның саптық шеруімен аяқталды.
Эльмира НҰҒМАНОВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу