Кіру28 ЖАСӨСПІРІМГЕ ІШІМДІК САТЫЛҒАН
Орал қаласында кәмелетке толмағандар тарапынан жасалған қылмыстар өткен жылғы сәйкесті кезеңнен едәуір аз тіркелген. Алайда, ересектер тарапынан жасөспірімдерге қатысты жасалған қылмыс 4-5 есе көбейген. Бұл туралы Орал қаласы әкімі Абат Шыныбековтың қатысуымен өткен қала әкімдігі жанындағы кәмелетке толмағандар ісі жөніндегі комиссия отырысында айтылды.
Өткен жылдың алғашқы бес айында кәмелетке толмағандар тарапынан 28 қылмыс тіркелсе, биыл 14 жасөспірім 16 қылмыс жасаған. Сондай-ақ жеткіншектер 500-ден аса тәртіпбұзушылыққа жол берген. Бүгінде кәмелетке толмаған 88 жасөспірім және баласының тәрбиесіне теріс ықпал ететін 120 ата-ана есепте тұр. Бұл ата-аналар 227 баланы тәрбиелеп отыр.
Қалалық полиция басқармасы бастығының бірінші орынбасары Жантемір Иманәлиев кейінгі уақытта жасөспірімдерге қатысты үлкендер тарапынан жасалған қылмыстар саны көбейгенін айтты. Мәселен, былтыр бес айда 6 қылмыс орын алса, биылғы жылдың бес айында 29 жағдай тіркеліп үлгерген. Бұл қылмыстар – өз-өзіне қол жұмсауға итермелеу, денсаулығына қасақана зиян келтіру, жыныстық қол сұғу әрекеттері, жезөкшелік, ұсақ ұрлықпен айналысуға, алаяқтық жасауға мәжбүрлеу.
– Жүргізілген зерделеу жұмыстары қылмыстардың басым бөлігі, яғни 45 пайызы шаһардың орталығында жасалғанын көрсетті. Сондай-ақ қалалық мәдениет және демалыс саябағында, Зашаған, Круглоозерный, Деркөл кенттерінде жиі тіркеліп отыр. Қылмыстық жағдайлардың орын алуының негізгі себептері – үлкендер тарапынан бақылаудың болмауы. Мәселен, жеткіншектердің жоғарыдан құлау жағдайлары орын алды. Оның екеуінде жасөспірімдердің мас болғаны анықталды. Бұл кәмелетке толмағандарға алкоголь өнімдерін сататын дүкендерге қатаң бақылау жасау қажеттігін көрсетіп отыр. Атап айтқанда, биыл біздер дүкендердің 28 жасөспірімге алкоголь сату дерегін анықтадық, – деді Жантемір Иманәлиев.
Сондай-ақ комиссия отырысында жазғы кезеңдегі балалардың қауіпсіздігін қамтамасыз ету, бос уақытын ұйымдастыру мәселелері қозғалды.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Пікір үстеу