КіруОРАЛДЫҚТАР «100 ЖАҢА ЕСІМ» ЖОБАСЫ ЖЕҢІМПАЗДАРЫМЕН ЖҮЗДЕСТІ
«ҚазИИТУ» ғылыми білім беру кешенінде бүгін өңіріміздегі «100 жаңа есім» жобасының иегерлері Ақсерік Əйтімов, Саида Халықовамен еркін форматта жүздесу өтті. Кездесуге ҚазИИТУ, М.Өтемісов атындағы БҚМУ-дың белсенді студенттері, №17 , 19 орта мектептің оқушылары жиналды.
Оқытушылар мен студенттер жоба жеңімпаздарына сұрақтарын қойып, еркін пікір алмасты. Алдымен ҚазИИТУ ғылым-білім кешенінің құрылтайшысы Ақсерік Сарыұлы сөз бастап, ғылымның дамуы және білім қуған жас өз қалағанына жете алатынын, әлемге өзін мойындата алатынын жеткізді. Ерекше дарынды пианист, музыка акдемигі Саида Халықова жастардың сұрақтарына орай, өзінің балалық шағы және шығармашылығы туралы айтып берді.
– Жоба жеңімпазы атанғанымда мен өте керемет күйде болдым. Балалық шағым Орал қаласында өтті. Сол 1985 жылдары біз тұратын ауладағы балалар бір-бірімен өте жақсы қарым-қатынаста болды. Мектепке, биге, театрға бірге барушы едік. Жаз кезінде, оқу уақытында да өз-өзімізге айналысатын пайдалы ермек табатынбыз. Бұл сондай керемет кез еді. Менің әжем Самарада тұратын. Жазғы демалыста әжеме баратынмын. 6 жасымда алғаш рет әжемнің қасында бірге жүріп, жұмыс жасадым. Бала кезімнен әр істі жауапкершілікпен орындайтынмын. Үлкендер де маған сенетін. «100 жаңа есім» жобасының жеңімпазы атану зор мәртебе әрі үлкен жауапкершілік. Осы жауапты жүкті абыроймен ұстауға, кейінгі толқынға үлгі болуға тиіспіз, – дейді Саида.
Жиналғандар Саиданың шығармашылығына ерекше қызығушылық танытты. Оның жетістікке жетуіне ынталандыратын ұстанымы туралы сауалдар қойды.
–Шабытты табиғаттан аламын. Ауа райы ерекше болғанда туған қаламды сағынып жүргенде, шабытым оянады. Оралда тұрғандар оны бəлкім аңғармас. Бірақ шетте жүрсең, шаһардың ауасының керемет дауасы бар екенін сезінесің, – дейді талантты пианист. Бүгінде Саиданың 20-ға жуық өз туындысы бар. Күні кеше А.Островский атындағы драма театрда өткен концертінде туған жеріне арнаған жаңа шығармасын орындап, жерлестерін қуантты. Оған зал толы халық тік тұрып, қошемет көрсеткен болатын.
Студенттермен кездесу барысында Саида Тұрарбекқызы жастар үшін білімнің қажеттігін айтып, жиналғандарды іздену мен оқудан жалықпауға шақырды.
– Мен үнемі білімімді арттыруға, жан-жақты болуға талпынатынмын. Ұстаздарымыз: «Сіздер бүгін өз беделдеріңіз үшін жұмыс жасауларыңыз керек, ертеңгі күні беделдеріңіз сіздерге жұмыс жасайтын болады» деп айтатын. Оқытушылар шәкірттердің бәріне бірдей білім береді. Бірақ, оны қалай қабылдайтыны оқушының өзіне байланысты. Қазақ Ұлттық Университетіне оқуға түскенімде, ондағы кітапхана өте бай болатын. Күніге 13 сағатты университетте өткіздім. Лекциядан шыққанан кейін бірден кітапханаға баратынмын. Көп уақытым оқу залында өтетін, – дейді Саида.
Бұл пікірді Ақсерік Сарыұлы да қостап, жаңа технологиялар қарыштап дамыған заманда әр жас білім мен ғылым ізденуі керегін айтты. Әлемде бейбітшілік сақталса, бүгінгі студенттер білімнің биігін бағындырып, жоғары деңгейлі, білікті маман болса екен деген тілегін білдірді.
Кездесу соңында білім ордасының академиялық ректоры, профессор Ю.Афонин сөз алып, Саиданың талантына жоғары баға берді. Ал 25 жылдан бері осы оқу ордасын басқарып келе жатқан Ақсерік Сарыұлының ұшан-теңіз еңбегіне бас иіп, өз туындыларын табыс етті.
Саида профессордан жоғары баға алғанына толқып отырғанын жеткізіп, пианинода екі туындысын орындап берді.
Кәусар БАЙҒАЛИЕВА
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
Пікір үстеу