КіруЗияткерлік мектепте алғашқы қоңырау соғылды
Орал қаласындағы Назарбаев Зияткерлік мектебінде оқу жылының басталуына орай салтанатты жиын өтті. Шараға мектеп ұжымы, ата-аналар мен оқушылар қатысты. Айта кету керек, физика-математикалық бағыттағы оқу ордасына жаңадан 144 оқушы қабылданды.
Салтанатты жиында мектеп директоры Шолпан Қадырова сөз алып, жаңа оқу жылында сәттілік тіледі.
– Ел Президенті Қасым-Жомарт Кемелұлы Тоқаев дәстүрлі тамыз кеңесінде «Жеті түрлі ілім білетін» ұрпақ тәрбиелеу – бүгінгі күннің негізгі міндеті екендігін баса айтты. Оралдағы Назарбаев Зияткерлік мектебі ұжымы да еліміздің ертеңі, жас ұрпаққа білім беріп, тәрбиелеу жолында ізденіспен еңбек етіп келе жатыр. Еліміздің білім беру саласында өзімізге жүктелген жауапкершілікті сезініп, біз бұл оқу жылында да тұлғаның зияткерлік және шығармашылық әлеуетін дамытуға қызмет еттік. Білім мен тәрбие үдерісінде оқушылардың бойына адамгершілік, көшбасшылық және патриоттық сезімдерді қалыптастырдық, – деді Шолпан Маратқызы.
Шолпан Маратқызының айтуынша, өткен жыл зияткерлер үшін табысты болған Биыл оралдық жеті зияткер халықаралық, 60-тан астам оқушы республикалық олимпиада, ғылыми жобалар байқауы мен түрлі сайыстарда топ жарды. Павлодарда өткен робототехникадан Ұлттық чемпионатта жалпыкомандалық есепте ең көп жүлделі орын алған мектептің құрама командасы олимпиада жеңімпазы атанды. Сонымен қатар күні кеше алты оқушы дүниежүзілік робототехника олимпиадасына жолдама алыпты.
2018-2019 оқу жылының мектеп түлектері алыс-жақын шетелдік университеттердің грантын иеленген. 28 зияткер отандық ЖОО грантына қол жеткізсе, 19-ы Назарбаев Университетін таңдапты. Ал 21 жас шетел асып, білім-ғылым игеруге аттаныпты.
Бұл жылдың алғашқы қоңырауын мектепке түсу кезінде ең жоғары ұпай жинаған 7-сынып оқушысы Әділ Сейдазымов соқты.
Салтанатты жиын құрметті қонақтар және 7-сынып оқушыларының ағаш отырғызу рәсімімен аяқталды. Шарада «Жарқырай түс, жастық шақ!» биі, «Саналы ұрпақ – жарқын болашақ» композициялық қойылымы ұсынылды.
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
Пікір үстеу