КіруБастысы – баға қолжетімді
Шаһарда дәстүрлі ауыл шаруашылық жәрмеңкесі басталды.
11 тамыз күні ұйымдастырылған алғашқы жәрмеңкеде 3 млн.-ға жуық теңгенің өнімі саттыққа шығарылды. Жалпы 50 шақты тауар өндіруші қатысып, негізінен картоп, көкөніс пен бақша дақылдарын ұсынды. Әрі өнімдер нарықтағыдан 20 пайызға төмен бағада саудаланды. Тұтынушылар үшін картоп кең сұраныста болды. Оның бағасы – 65-75 теңге аралығында ұсынылса, қызанақ – 80, қияр – 40-тан, 10 дана жұмыртқа – 140 теңгеден болды. Тұтынушылар өнімдерді өндірушілерден делдалсыз арзан бағада алып қуанса, диқандар ала жаздай тер төгіп, өсірген өнімдерін сату үшін орынның тегін берілгеніне риза.
Жәрмеңкені аралап көрген облыс әкімінің орынбасары Игорь Стексов сұраныстың жоғары болуына байланысты жәрмеңкені сенбімен қатар жексенбі күндері де ұйымдастыру жоспарланғанын жеткізді.
– Бастысы – баға қолжетімді. Дақылдардың сапасы да жоғары. Жәрмеңке екі ай бойы жалғасады, – деді Игорь Валерьевич.
Алғашқы жәрмеңкеге Ақжайық, Теректі, Зеленов аудандарының шаруалары қатысты.
Кәусар БАЙҒАЛИЕВА
Соңғы жаңалықтар
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу